عرض مشاركة واحدة
10-19-2010, 11:39 PM   #113
Bulla
شريك حقيقي
stars-2-4
 
تاريخ التسجيل: Jan 2010
الدولة: مصر - بورسعيد
المشاركات: 1,367

حبيبتى الغاليه ماما منى
تسلميلى يا غاليه
على ذوقك
وبجد شرف ليا انى اكون ضيفه عليكى فى فقرة الحوار
ويارب اكون ضيفه خفيفه
اولا موضوع الحوار رائع جدا
واعجبتنى الفكرة
وحالا هبدأ بالرد على اسئلتك
ايه طريقة التفكير الى مش بتعجبك فى الجيل القديم؟
الجيل القديم اكيد له خبرة كبيرة جدا فى الحياه من ما مروا به من مواقف واحداث اتعلموا منها حاجات كتير ما فيش حاجه بعينها ما بتعجبنيش بس بلاحظ الرفض لتفكير الشباب بمعنى ان تفكيرنا فى بعض الاحيان مابيعجبهمش وده بيرجع لاختلاف الجيل والزمن والتطورات اللى احنا عايشين فيها وده مش معناه انى بقلل منهم بالعكس انا بحترم تفكيرهم
ايه الحاجات الى نفسك تغيريها من معتقدات وتقاليد؟
تقاليدنا كشعب عربى ومسلم مافيش حاجه اغيرها من وجهه نظرى بل بالعكس انا تعجبنى التقاليد القديمه
زى ده عيب وده ميصحش اللى ممكن انك ما تشوفيش الحاجات دى دلوقتى ده بالنسبه للتقاليد
اما المعتقدات
عايزة اغير كل اعتقاد يخالف دينى
فى رأيك يابولا ايه الى عوزه الجيل الجديدمن الجيل القديم؟
عايزة اقولك ان مش كل الجيل الجديد كويس وصح
ومش كله غلط بس انا عن نفسى اللى عايزاه من الجيل القديم هو الاحتواء ان يحتوى الشباب والله الشباب عندهم طاقه كبيرة بس محتاجين الفرصه عايزين حد يسمع صوتهم ويعبروا عن رايهم وتفكيرهم وان يسع صدرهم لمناقشاتنا وخصوصا ان الجيل الجديد بيحب النقاش زياده شويه
وأخيرا ايه رأيك فى المصطلحات اللغوية
الجديدة التى يستخدمها الشباب اليوم
وتخريب اللغة العربية بألفاظ ليست فى القاموس
مثال نفض --يألش---روش---والى اخرة
الفاظ محتاجة قاموس
هى اللغه بايظه على الاخر
وما فيش اهتمام خالص باللغة العربيه
اسئلى اى حد عن اعراب اى جمله او حتى نطقها بالتشكيل السليم مش هتلاقى الا قليل والالفاظ دى بقت سائده جدا فى المجتمع
والصراحه
بس انا مش بستخدمها كلها
بس بستخدم حاجات حاجات كده
بس كلمه روش دى مش بحبها
ويألش دى انا مش عارفاها
اشكرك جدا على حسن اختيارك للانشوده
انا بحبها اوى اوى اوى
ويارب تكونى استمتعى بحوارى وما كنتش تقلت عليكى
بنوتك
Bulla
Bulla غير متواجد حالياً