عرض مشاركة واحدة
10-15-2010, 09:16 AM   #6
هالة
مراقب عام
Crown5
 
تاريخ التسجيل: Jun 2007
الدولة: القاهرة - الاسكندرية
المشاركات: 26,207

يا هلا بحبك الوحيد و بك يا جميلة
عندي فكرة ممكن تنفذيها بسهولة جدا
اكيد تعرفي ورود السلك و الجوارب النايلون
احنا حنستخدم التل اللون اللي تحبيه
ممكن يكون من لون فستان العروسة نفسها
تل يكون طري و ناعم و فتحاته ضيقة
مش بتاع الشمع و سلك يفضل الومنيوم مجلفن
لو انتي من سكان القاهرة حتلاقيه في الازهر
اشتري كمية مناسبة منه و سمك مناسب
يريحك في الشغل شوفي مقاس 20
ممكن يكون مناسب لان 24 رفيع
اعملي بتلات ورود بالسلك مقاس واحد
عدد كبير و لفي حول كل بتلة ورد التل
و ثبتيه من اسفل حوالين مكان لف السلك
عمل وردة من الجوارب النايلون اضغطي هنا
اعملي مخدة صغيرة مستديرة
من اي نوع قماش و احشيها فيبر
و اكسيها بالساتان لون يكون مناسب للتل
ثبتي البتلات حوالين دايرالمخدة في طبقات متبادلة
علشان تكون شكل الوردة
و اعملي حساب مكان في القلب فاضي للدبل و الشبكة
و ثبتي خرز من لون مناسب في المنتصف
تتكون عندك وردة جميلة هي مخدة للدبل
مش حتلاقيها زيها ابدا في السوق
لانها من بنات افكاري
نفذيها و ياريت تصوري الخطوات و نشوف جمالها
ممكن استعمال الجليتر لتجميل البتلات او الريليف
اتمنى اني اكون افدتك حبيبة قلبي بشيء كويس
__________________

signature

هالة متواجد حالياً