عرض مشاركة واحدة
09-24-2010, 02:32 PM   #1
Bulla
شريك حقيقي
stars-2-4
 
تاريخ التسجيل: Jan 2010
الدولة: مصر - بورسعيد
المشاركات: 1,367

basmala

[]تعلم كيفيه الرسم على الزجاج

الدرس الأساسى الرسم على الزجاج .
فن الأبداع بالألوان والضوء .
الرسم على الزجاج فيه يذوب الضوء
عشقاً فى الألوان . ويطيب له
البقاء فى دفىء أحضان التصميم
واللون سيمفونية عشق رائعة

نشوف الأدوات :







هذا هوا أنبوب سائل التحديد وأحنا
بنسميه ( الريليف) .
بنحدد بيه الرسم
فوق الزجاج والمرآيا والسيراميك .
وذى ما انت شايف فيه منه الوان
مختلفة حسب ما أنت عايز
والمحترفين لا يستعملونه إلا فى
تحديد رسوم النوافذ وأعمال محدودة.







هذه عينة من عبوات اللألوان
للزجاج والمرايا .
وعبوات ألوان السيراميك قريبة
الشبه والحجم منها وربما نفس الماركة
والشركة المصنعة والأسم





مجموعة فرش أحجام مختلفة ونعومة مختلفة
وممكن أيضا الأستعانة بقطارة وإسفنجة
وعيدان خلة وفرشة أسنان . وأى شيىء
يعطى إختلافات فى الملمس
بالنسبة لشغل اللأوحات الفنية . وليس
النوافذ. النوافذ تحتاج لون شفاف







هذا هوا الباترون ... يعنى الرسم الذى
ستنفذه على الزجاج والمرايا .وعندما
تحدد بسائل التحديد . عليه يعطيك نفس
الشكل بس على الزجاج والمرايا
نشرح بقى
أنت عندك رسمة عجبتك وعايز
ترسمها على النافذة الزجاج
بتكبرها للحجم المناسب وتمشى بالقلم
على حدود الرسم لغاية ما يبقى
زى ما شفت نموذج الباترون فى الصور
ثبت الباترون يعنى الرسم على ضلفة
زجاج النافذة . يعنى حط الرسم وفوقه
الزجاج .طبعا حتبقى شايف الرسم من
خلال الزجاج . تروح جايب أنبوبة سائل
التحديد وتقطع طرفها باآلة حادة وتبدأ تمشى
بالسائل على حدود الرسم الذى تراه بالطبع
من خلال الزجاج . يجب أن تكون يدك
عامودية بقدر الأمكان وثابته لا تهتز وخيط
السائل يخرج بصفة مستمرة وبسرعة
ثابته . الآن أنزع الرسم من خلف الزجاج
برفق لتستعمله فى ضلفة أو شغل آخر
ماذا ترى الآن ؟؟؟؟؟؟ الرسم مطبوع بسائل
التحديد على وجه الزجاج . أتركه يجف
وأعمل غيره فى مكان آخر لتستغل وقتك .
كان هذا بالنسبة للزجاج بصفة عامة .
طيب والمرآيا نعمل فيها ايه؟ بسيطة قوى
ولو أنها أصعب من الزجاج . أنت تجيب
المرايا وتضعها ووجهها اللامع لأعلى
وتضع فرخ كربون ثم الباترون يعنى الرسم
بتاعك وتثبت بالأصق حتى لا يحرك الرسم
ويبوظ الدنيا ويضيع تعبك .امشى بالقلم على
الرسم وبعد
ما تخلصه أرفع الرسم بهدوء
تلاحظ الكربون طبع الرسم على وجه المرآيا
أو السيراميك أيضاً .أو فازة ورد أو طبق
خزفى وخلافه .
الخطوة التالية :
الآن سائل التحديد جف خلاص وتريد
تلون وتبدع
لو ألوان لزجاج النوافذ لازم تكون
ألوان شفافة وممكن تخبر البائع بهذا
حيقولك خد المجفف بتاعها قله لا شكراً
وتروح تشترى تنر تخف بيه
اللأوان وتغسل به الفرش التى تلون بها
لتكون نظيفة مستعدة لاستقبال
لون مختلف . وأيضا تغسلها بعد إنتهاء
العمل . أوعى تنسى
توجد بالتات ألوان مناسبة . ضع ألوانك
وعايزين نشوف الشغل والفن

طيب عندنا لوحة زجاج أو مرايا
أو سيراميك . فيه ألوان زى ما
قلنا تتخف بالتنر
ممكن نلون بيها وفيه ألوان تتخف بالماء
وهى كثيفة وجميلة فى الأبداع الحر
فى اللوحات الفنية .
وأيضاً توجد ألوان تعطى ملمس الحصى
وملمس الأحجار وبريق رائع كالصدف
زى ما تحب . وطالما قلنا لوحة فنية
يعنى أنت حر إبدع زى ما تحب إستعمل
عيدان الخلة أو الأسفنجة أو فرش الأسنان
كون جرئ تكن مبدع . إبتكر أساليب
وجرب وخلى فالألوان التى تخفف بالماء
تغسل الفرش بالماء طبعاً............
يتبع


[/]
Bulla غير متواجد حالياً