عرض مشاركة واحدة
09-02-2010, 05:05 AM   #1
ملك الشافعي
شريك جيد
stars-1-4
 
تاريخ التسجيل: Jul 2010
الدولة: مصر - بورسعيد
المشاركات: 85

basmala

[]امثال شعبيه مصريه هل من مزيد

السلام عليكم ورحمة الله وبركاته


[]اخباركم ايه يا اهلي واحبائى في ورد للفنون
يا رب تكونوا فى احسن حال

انا النهاردة يا جماعه جيبلكم موضوع غريب شويه
بس انا بعشق هذا الموضوع جدا
ويا رب يعجبكم زي ما هو عجبني
وهو عن الامثال الشعبيه في التراث المصري
وارجوكم يا جماعه اللي عنده مثل جديد يكتبه فى الموضوع
و المثل اللي يعجبكم اكتبوه
اترككم مع الموضوع

[/]


ما تبكوش على اللى خابت زرعته ابكو على اللى خابت ذريته

في الوش مرايه و القفا سلايه

البحر واحد و السمك الوان

اموت في محبوبي و ان كان عبد نوبى

اصعب من رمي الحجر لفوق
ظريف المعاني يعاشر قليل الذوق

باب النجار مخلع

سبع صنايع والبخت ضايع

يخلق من الشبه أربعين


ما يجيبها إلا رجالها

ما جمع إلا لما وفق








ما حدش يجى من الغرب يسر القلب

ما حدش يقول للغول عينك حمره

يقتل القتيل و يمشى فى جنازته

ما شتمك إلا اللى بلغك

ما قدرش على الحمار بيتشطر على البردعة

المال السايب يعلم السرقة

مال الكنزى للنزهى

ينفات لكم بلاد

يوديك البحر و يجيبك عطشان

يا نحلة ما تقرصينى و لا عايزة عسل منك








يا ما فى الحبس مظاليم

ياما تحت السواهى دواهى


يا فرعون ايش فرعنك ؟
قال : ما لاقتش حد يردنى


يا طابت يا اتنين عور


يا داخل بين البصلة و قشرتها ما ينوبك إلا ريحتها


يا بخت من نفع و استنفع


دخول الحمام مش زى خروجه


هو بعد حرق الجرن جيرة


النواية تسند الزير


نص العمى و لا العمى كله








المية تكدب الغطاس

من عاير ابتلى

اكفى القدرة على فمها تطلع البنت لأمها


لا تذم ولا تشكر الا بعد سنة وست اشهر


افتكر لك ايه يا بصلة غير كل قطمة بدمعة


عشمتنى بالحلق خرمت انا ودانى


لو كان فيه خير ما كانش رماه الطير


صباح الخير يا جارى انت فى حالك وانا فى حالى

ابن الوز عوام


مسير الحى يتلاقى








ميّه من تحت تبن


جحا أولى بلحم ثوره


الغربال الجديد له شدّة


طلع من المولد بلا حمص


تيجى مع الهبل دوبل

حمارتك العرجة تغنيك عن سؤال اللئيم

على قد لحافك مد رجليك

دارى على شمعتك تقيد


جت الحزينة تفرح ما لقيتلهاش مطرح


ادى العيش لخبازه ولو اكل نصه







اللى سبق . . . أكل النبأ


زى القرع يمد لبره


ياما دقت على الراس طبول


ما بيتبلش فى بقه فولة

أنضف من الصينى بعد غسيله

يا مأمنة للرجال يا مامنة للمية في الغربال


برة وجوة فرشت لك وانت مايل واية يعدلك


يادي الشيلة يادي الحطة روحنا على جمل ورجعنا علي قطة


غلبت احايل فيك والطبع فيك غالب
وديل الكلب عمره ما يتعدل لو علقوا فية قالب


ومهما عملت مش عاجب
وان رضيت العين يغضب الحاجب







ضربني في زفة وصالحني في عطفة


ياما تحت السواهي دواهي


يموت الزمار وصوابعة بتلعب

أبو جاموسه يحسد أبو معزه


ادينى اليوم صوف وخد بكرة خروف


اقول تور يقول أحلبوه


أنا وأخويا على أبنى عمى وأنا وأبن عمى على الغريب


أيد لوحدها ماتسقفش


البيت بيت أبونا والغرب يطردونا


الحاجة اللى ماتهمك وصى عليها جوز أمك







حبيبك يبلع لك الزلط وعدوك يتمنى لك الغلط


حداية من الجبل تطرد اصحاب الوطن


خد الأصيلة ولو كانت على حصيرة


الغريب أعمى ولو كان بصير


القفة أم ودنين يشلوها اتنين


اللى ياكل لوحده يزور


اللى يبص لى بعين أبص له باتنين


اللى يعمل ضهره قنطرة يستحمل الدوس


من خرج من داره أتقل مقداره


وأجرى يابن ادم جرى الوحوش
غير رزقك لن تحوش







يا مراة الابن مسيرك فى يوم حتبقى حماة


اعرف صاحبك وعلم عليه


ضربوا الاعور على عينه قال خسرانه خسرانه


طوب البلد لأهل البلد


العرق يمد لسابع جد

العيار اللى ما يصيبش يدوش

فوله واتقسمت نصين

لا تصاحب الاقرع ولا تاخد منة نصيحة
عشان لو ربنا بيحبة كان خلي راسة صحيحة


اللي له ضهر مينضربشي علي بطنة


يا بخت من كان النقيب خالة







جت الحزينة تفرح مالقتشي لها مطرح


يا واخد القرد علي مالة يروح المال ويفضل القرد علي حالة


حط الحلو واقعد بص له
وان خلص مالة يكفاك جماله

بتتكحل العمشة نص الليل
وسايبة النهار ابو عنين


البلد حلة وهو مغرفتها


الحر تكفية الاشارة والعبد يساق بالعصى


اديني عمر وارميني في البحر

طوبة على طوبة خلي العركة منصوبة


جوعة على جوعة بقت الصبية زعزوعة


يا مربي في غير ولدك يا باني في غير ملكك


اللي ينكسف من بنت عمة ما يجبش منها عيال


قيراط بخت ولا فدان شطارة





[/]
ملك الشافعي غير متواجد حالياً