عرض مشاركة واحدة
06-16-2010, 02:04 PM   #31
زهرة الكاميليا
شريك استاذ
stars-2-7
 
تاريخ التسجيل: Jun 2007
الدولة: مصر - اسكندريه
المشاركات: 2,663

كم أتشرف أستاذى الكريم
محمد ورد
بتعقيبك الرائع ..
و كلمات
هى شهادة أعتز بها و أفتخر
و تقدير من أستاذنا الغالى
يزيد من إنجازاتنا
و يحفزنا للأفضل ..

إهديك قصيدة الشاعر
على سلامة
يوم الجمعة

الجمعة ..كان يوم مختلف
ريحة البخور

صوره

طعم الفطور
صوت الآذان



تحضن الميم الألف
تطلع الشمس بحنان
تروح و ترجع بالسلامة
بالهنا و الشفا
يا قلب ماما
الدنيا رايقة
و قلبى هو اللى إتملا
بعد الصلاة
رحمة و أمان
ع الناصية كان
بياع لمون
و بيت براح
من غير بيبان
يحدف لى من أجمل عيون
ضحكة بخجل

صوره

أمشى و أنا عندى أمل
و أقول يا رب أعيش
للجمعة الجاية
و اللى بعدها
و أحسب خطاوى العمر
من غير ما أعدها
أكيد ها ييجى يوم
تقوللى و أقوللها
و أحس تانى بالرضا

و أعيش كمان
و تروح سنين
و أغيب سنين
و ياخدنى من تانى الحنين
و أعدى على نفس المكان
و أمشى أفتش فى الوجوه
و أتوه و أنا فى إيدى العنوان
و أسأل فلان
و فلان يروح يسأل فلان
لا حد عارف مين أكون
و لا مين ده
بتاع اللمون
و لا البيت
ولا البراح
و لا العيون !

تقبل أستاذى خالص تقديرى
دمت بخير و أمل
زهرة الكاميليا غير متواجد حالياً