عرض مشاركة واحدة
06-13-2010, 09:48 AM   #3
زهرة الكاميليا
شريك استاذ
stars-2-7
 
تاريخ التسجيل: Jun 2007
الدولة: مصر - اسكندريه
المشاركات: 2,663

بص .. حأقولك
بص .. حا أقولك م الأخر
أنا عندي عربية
مركبتهاش
ومعايا فلوس
مكسبتهاش
وجوزوني بنت حلوة
محبتهاش
وإشتريت بدلة جديدة
ملبستهاش
كسرت الحمام وغيرته
محستش بأي إنتعاش




خدت بعضي علي جنب
كان يوم حر .. رطوبة
وقولت لروحي
إيه ياعم
إنت طوبة
قالي لأ
يا صاحبي دي حسبة ومحسوبة
أنا أصلي زمان
لمست قلبي
غنوة حب جميلة ... جميلة..




لكن يا خسارة
ماحضنتهاش !

صوره


البنت بنتى




البنت بنتى حنينة و آخر لماضة
غصب عنها بقت بليدة فى التاريخ
و غصب عنها برضه
شاطرة فى الرياضة
بنت أبوها
بس لما بيبكى أخوها





تبقى أم و تبقى أخت
و تبقى دادة
و لما أخاصم أمها




بتستلم هى القيادة
تيجى جنبى و تلاغينى
كأنى طفل
و أمى قاعدة بتدادينى

بابا تشرب شاى معايا
و لا أحكى لك حكاية ؟
حضرتك قهوتك مضبوطة
و لاّ
تحبها سكر زيادة ؟



و لما تقلب كل حاجة
فى كل حاجة
كلنا نضحك و نرجع
نملا البيت سعادة





ناقص حتّة !

ناقص حتة..و كل ما أوزن
ألاقى ..ناقصلى حتة ..
أحط حتة ..تقل حتة ..
و أجيب قميص ..تضيع جاكتة ..
و أعيش لى ساعة ..يفوتنى ستة
و كل ما أوزن الاقى ناقص



أقول بناقص لو هى حتة
أتارى لسة ..و لسة ..
تاخد سنين و حتة
و حاجات تسيبنى
و حاجات تاخدنى
لحاجات تخبط فى كل حتة
و أقول ها نفرح ..
فى يوم ها نفرح
و يوم ما نفرح ..
على الله يفضل



فى القلب ..حتة !

يتبع
-4-
زهرة الكاميليا غير متواجد حالياً