عرض مشاركة واحدة
06-13-2010, 09:42 AM   #2
زهرة الكاميليا
شريك استاذ
stars-2-7
 
تاريخ التسجيل: Jun 2007
الدولة: مصر - اسكندريه
المشاركات: 2,663



على سلامة ...

شاعر معاصر ..
قد لا تتوفر عنه معلومات كافية
بخلاف انه مهندس عاش فى دولة الإمارات
لكن إنتاجه الغزير من الشعر العامى ..
المنتشر بقوة لدى رواد ساقية الصاوى
و على النت ..
و أيضا على صفحات جريدة المصرى اليوم
يكفى للتعرف على خصائصه الإنسانية
ففى كلماته المدهشة .. نكهة قوية
من روائع بيرم التونسى
وصلاح جاهين والأبنودى

صوره

على سلامة .. شاعر .. بأوجاعنا ...
يتحدث بلغتنا .. يعود بنا أحيانا لطفولتنا ..
للنقاء .. وبراءة ذلك الزمان ..
يمس إحباطاتنا .. واليأس المعشش فى دواخلنا ..
لكنه .. فى النهاية يتمسك بالأمل ..
ويحلم حتى هو غارق فى الكرب ...
و يجد فى الحياة ثمة حلاوة
مع علمه اليقين أن
حلاوتها ..كدة وكدة !
يصارحنا بمخاوفنا ..
بالكهولة والعمر إذا مضى سدى ..
يحكى عن أفراح .. عن مباهج ..
و آمال .. بسيطة .. بسيطة ..
ما أن نلمسها .. حتى تتبدد .. كأن لم تكن !
إن على سلامة
إنسان .. متوهج بحرارة الواقع ..
يتوجه بأشعاره .. للإنسان !

صوره


وإحنا لسه في إبتدائي



وسط أوراقى القديمة
اللى لسه منها باقي
شوفت صورتى بين زمايلى
و إحنا لسة فى إبتدائى
الوشوش كانت بسيطة
طاهرة لكن مش عبيطة
نرسم الأحلام خريطة
فى قلبها نقطة تلاقي
هو صاحبى
لما كان فيه فى الدنيا صاحب



اما دول كانوا جيرانى
كل واحد فينا حقق
جزء من بعض الأمانى
أما دى الشاطرة البليدة
أد ايه حزنت عليها
لما راحت فصل تانى
ما احنا كنا تختة واحدة
فى تانية تالت
مره قلت
و هى قالت
لما مدت ايدها شالت
دمعة وقعت غصب عنى
جوه كراسة الحساب
كنا لسه صفحة بيضة فى الكتاب



الوشوش كانت بسيطة
طاهرة لكن مش عبيطة
نرسم الأحلام خريطة
فى قلبها نقطة تلاقى
واحنا لسه فى أبتدائي.

صوره


يتبع

-2-
زهرة الكاميليا غير متواجد حالياً