عرض مشاركة واحدة
05-29-2010, 12:28 AM   #1
مس بوسي
شريك
stars-1-3
 
تاريخ التسجيل: May 2010
الدولة: Port said
المشاركات: 66

basmala

[]يا ريت يا جماعه تقولولي رأيكوا
من كتاباتي أنا مش نقلاها
قولولي رأيكوا بجد


ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــ


بعمل حساب للناس ولا حد بيعمل حسابي
بخاف على كل قرايبي و حبايبي واصحابي

طيبة قلبي بتخليني أعامل الناس بحسن نيه
ونتيجة طيبة قلبي الغدر والخداع والأسيه

ليه ياربي أنا طيبه واللي ف قلبي على لساني
ليه دايما اللي أعرفه يبقى حد طماع وأناني

ليه بصون العشره واصون الملح والعيش
ومع الايام أدور عليهم وحواليا ملاقيش

بقيت أخاف من الدنيا وأخاف أعرف حد
لا ف يوم تدور الدنيا ويقلب عليا للضد

يا ترى العيب من الدنيا ولا العيب من الناس
ولا ده الجزاء الطبيعي للطيبه والاخلاص

ولا لازم أعامل الناس بقوة وظلم وقلة ذوق
علشان يعملولي حساب وأبقى ع راسهم من فوق

ولا أستمر زي ما أنا بكل احترام وأدب
وف النهايه اتهان واتجرح من غير أي سبب

مبقتش عارفه اقول ايه ولا لاقيه أي كلام
نفسي اعيش ف الواقع وافوق بقى م الاحلام

والله ياربي أنا تعبت اوي واللي جوايا كبير
نفسي الزمان يرجع بيا وأغير حاجات كتير

يارب يارب لو انا اللي صح اهديني وقويني
ولو هما صح وانا اللي غلط يبقى للخير أهديني
[/]
__________________

signature

مس بوسي غير متواجد حالياً