عرض مشاركة واحدة
04-25-2010, 11:29 PM   #1
nona
عضو في انتظار التفعيل البريدي
 
تاريخ التسجيل: Apr 2010
الدولة: الايميل المسجل غير مستخدم
المشاركات: 936

basmala

تأثير الفضائيات والانترنت حوار ينتظرك

السلام عليكم ورحمة الله وبركاته. يا جماعة الخير... ويا اعضاء منتدانا العزيز..
باختصار كدة امبارح كنا قاعدين شلة ينتكلم... واحد من اللى قاعدين سألنا سؤال؛
قال؛ تفتكروا يا جماعة وجود القنوات الفضائية... والانترنت...اية تأثيرة على اولادنا؟
واتسعت المناقشة واختلفت الاراء ... واحد كان شايف ان دى كلها ملهيات .. خلت
تفكير الاولاد سطحى...فال**** بقوا كل همهم يجروا ورا الاعلانات ...
ويقلدوا النجمات... اشى ريجيم فلانة.. ولون شعر علانة...
والبدى اللى كانت لابساه معرفشى مين فى فيلم ايه...
والاولاد بقوا يقلدوا الممثل فلان اللى فاتح عراوى القميص علطول...
وشوفت يا بنى اللوك الجديد بتاع اسمه اية؟؟؟
سمعت طيب.. اخر البوم لاسمه اية التانى؟؟؟؟؟
طب خش على اليو تيوب كده شوف اللى بالى بالك؟؟؟
وواحدة بقى راحت قايمة بقى .. وسخنت عليه قوى... وقالتلو اية..
لالالا بقى اسمحلى اللى يفكر كدة يبقى عاوز يرجعنا لورا......
طب دى الحاجات اللى مش عجباك دى ..
هى اللى ساهمت فى تفتيح عقول الناس وتوعيتهم..
خلتنا نعرف كل حاجة بتدور فى العالم حوالينا..
احسن من التخلف اللى كنا فيه
واستمر الكلام وموصلناش لحاجة

انا قلت افتح معاكم الحوار فى الموضوع دا وياريت تعطونى رايكم....
احسن انا بصراحة مش قادرة اكون رأى مقنع مية فى المية
وفى انتظاركم
nona غير متواجد حالياً