عرض مشاركة واحدة
04-09-2010, 11:07 PM   #1
النبع الصافي
شريك متألق
stars-2-3
 
تاريخ التسجيل: Feb 2010
الدولة: الاسكندريه
المشاركات: 1,021
قصتنا من البدايه كلمات بقلمى

basmala

قصتنا من البدايه


من البداية للنهايه قصتنا كانت حكايه

قلناها ف يومين ووصلنا للنهايه

هي دي كل الحكايه

صورت لي الدنيا معاك

جنه وأنت فيها الملاك

ومشيت معاك

ولقيت هواك هو الهلاك

هي دي كل الحكايه

قلت لك من البدايه

خايفه من النهايه

قلتلي إطمني وجوه قلبي إسكني

عيشي وإفرحي وإتمني وإحلمي

عمرك ما حاتندمي

قلتلك بلاش

قلتلي الفرحه ما تستناش

وإنت فرحتي وبسمتي ودنيتي

اللي قلبي فيها عاش

هي دي كل الحكايه

قلتلي أوعدك إني أصونك

وعمري ما يوم إخونك

وأرسمك فرحي وألواني

وضحكة زماني

إطلبي من السما نجمه

وإسكني فوق ف العلالي

وإحلمي وغمضي وإنسي كل شئ

إلا إنك كل امالي

هي دي كل الحكايه

ووصلنا للنهايه

لاإنت كنت لي

ولا انا لسه معايا

هي دي كل الحكايه
النبع الصافي غير متواجد حالياً