عرض مشاركة واحدة
06-23-2007, 05:50 AM   #2
moh004
vip
star6
 
تاريخ التسجيل: Jun 2007
الدولة: مصر - بورسعيد
المشاركات: 5,314

همس النسيم مجموعة رائعه فعلا
وانا اضيف مجموعة

واحد مصري فشار اوي قاعد فى مؤتمر دولى للفشارين
واحد فرنساوى قام وقال احنا حفرنا تحت برج ايفل ولقينا اسلاك تليفون وده دليل ان التليفونات عندنا من 100 سنه
قام واحد ايطالى وقال احنا بقا حفرنا تحت برج بيزا ولقينا اسلاك تليفونات وده دليل ان عندنا التليفونات من 500 سنه
قام بصاحبنا ده قال احنا بقا حفرنا تحت الاهرامات ومالقيناش حاجه خالص وده دليل ان من 5000 سنه كان عندنا المحمول


مره طالبه مشاغبه المدرس اشتكاها للمدير المدير بعتلها قال لها "عملتى ايه؟" قالت له "ولا حاحه رميت ورده من الشباك" قال "بس كده؟" قالتله "اه" بعد شويه لقى طالبه مدغدغه ومكسره سالها "ايه الى عمل فيكى كده؟" قالت له "انا ورده الى اترميت من الشباك."


مرة تلميذ بيسأل الأستاذ بيقول له:هو ممكن يعاقب الإنسان على حاجة معملهاش؟قال له:لا طبعا . ففرح التلميذ اوى و قال له خلاص انا معملتش الواجب


واحد اخترع حبوب للحامل علشان المولود يطلع مؤدب وكل مولود فعلا نزل مؤدب . واحدة أخدت الحبوب وماولدتش في المعاد فراحت للدكتور عملها ولادة قيصرية ، لقى توأم كل واحد بيعزم علي التانى ويقول له "اتفضل" التاني يقوله "لأ اتفضل إنت الأول."


مرة بنت قالت لامها : هو السمك بياكل سردين؟ قالت ا يوة قالت لها : ازاي بيفتح العلبة؟؟


واحد بلدياتنا اشتري كمبيوتر... شال الماوس وحط جاموسة
واحد بلدياتنا دخل جنينة الحيوانات ودخل راسه في قفص الاسد، الحارس جري عليه قاله انت بتعمل ايه، قاله ايه يابوى يعني هناكله
واحد و هو بيموت بص لمراته بصي كلها رومانسيه و قالها : انا لما اترفدت كنت معايا ، و لما عييت وقفتي جنبي، ولما فلست برضوا كنت معايا ، و دلوقتى لسا جنبي ، مسك ايدها بحنيه و قالها : مش عارف ليه حاسس انك نحس


طلب مدرس من تلميذ غني جدا ان يكتب موضوع تعبير عن عيلة فقيرة فقال التلميذ : كان في عيلة فقيرة الأب فقير و الأم فقيرة و الأولاد فقراء و الشغال بتاعهم فقير و السواق بتاعهم فقير و البستاني بتاعهم فقير كلهم فقراء


سالوا سائق: مين المطرب المفضل عندك ؟؟؟ قال : مايكل داتسون


مرة مذيعة عملت عملية في ظهرها...شالولها فقرة ..و حطوا برنامج


مرة ممثل كبير جاله دور برد , رفضه

يلا مين بعدنا
__________________

signature

moh004 متواجد حالياً