عرض مشاركة واحدة
03-21-2010, 02:13 PM   #1
هالة
مراقب عام
Crown5
 
تاريخ التسجيل: Jun 2007
الدولة: القاهرة - الاسكندرية
المشاركات: 26,202
هدية عيد الام ايد واحده وقلب واحد

basmala

هدية عيد الام

صباحكم سعادة وسكر زيادة
ممكن اتكلم براحتي يعني من
غير نحوي ولغوي
نقول بالعربي اللي من القلب
اليوم عيد الام .... مش يوم
عيد بقدر ماهو يوم تذكرة لكل
من اخذته الدنيا في عجلها ونسى
مش حنقول تناسى ! ولكن زي بعضه
نقول سهوا بينسى يتصل ويسأل
على ايا من والديه او معاهم في
البيت لكن زي الضيف
المهم .... ماما عاوزة ايه في عيد الام
سؤال دايما بيسألوه الاولاد ... وطبعا
الرد الطبيعي من الام .... كفاية وجودكم
حواليا ... كفاية حبكم لبعض ...
سؤالكم عني هو هديتي
وردود كثير كلها تحمل معنى واحد
الحب والود والتراحم بين الاولاد
ده الشاغل الاكبر لكل ام ازاي
ولادها يبقوا ايد واحدة وقلب واحد
حب الاخوة لبعض اغلى واحلى
هدية يقدموها لامهم وابوهم
كلمة باقولها لكل ولادي وحبايبي
وكل الشباب ... ماما وبابا اليوم
معانا ياعالم بكرة حيحصل ايه
اغتنم فرصة وجودهم في دنيتك
علشان تضمن برضاهم رضا ربنا
والجنة ان شاء الله
اليوم انتم ابناء ... بكرة حتكونوا
اباء وامهات والدنيا زي مابيقولوا
دوارة يوم لك ويوم عليك ...
حتقول مش حنعمل في ولادنا
زي ما انتم بتعملوا معانا
هههههههه كان غيركم اشطر
احنا قولنا كده برضه ولكن هي
سنة الله في خلقه .
كل واحد بيرى الدنيا من منظوره
الخاص واكيد اكثر حد بيخاف عليكم
الام والاب بدون سبب وبدون اي
امل في مقابل منكم
حبوا بعض وخافوا على بعض
وفي الاول والاخر بروا اباءكم
ازرعوا الحب علشان تجنوا
حب .... دي هديتكم لوالديكم
طولت عليكم ودوشتكم
كل سنة وانتم بكل خير
__________________

signature

هالة غير متواجد حالياً