عرض مشاركة واحدة
03-19-2010, 06:36 PM   #1
النبع الصافي
شريك متألق
stars-2-3
 
تاريخ التسجيل: Feb 2010
الدولة: الاسكندريه
المشاركات: 1,021
ما تفرحش بسكاتى هعيش انا بعدك

basmala

ماتفرحش بسكاتي
أنا ساكته من جرحى ومن ألمى
أنا ساكته من حيرتى ومن يأسى
صابره ومتحمله يمكن تبان شمسى

ما تفرحش بسكاتى

واّ دينى بقولها لك بسكاتي مش راضيه
ضيعت ليه حبنا في شك وفى غيره
ورسمت فى عيوني الدمعه والحيره
وجاى تقول إنسى
وهان عليك حبي يا عينى على قلبى
نسيت معاك نفسى فى يومى وف أمسى
سلمت للى باع واشتريت يأسى

ما تفرحش بسكاتى

هتمشى وأنا همشى
ومهما قلت إرجع ما هتلاقى غير صدى
كلمة سماح إنساها ما عاد رضاك ودى
محيت بإيدك فرحتى مالك عتاب عندى
حتى ليالينا
إنساها وإنسانى ماراح تعود ثانى
وعيش من بعدى من غير ما تهوانى
وهأعيش أنا بعدك ما هو كلوا بيعدى

ما تفرحش بسكاتى

هتبقى ليا ذكرى وهأفكرك بكره
مين اللى هايندم عالحب و العشرة
وسلام لأحلى كلام قولناه وصدقناه
وسلام على أحلى زمان فى الوهم عيشناه
وهايجى يوم نرتاح وننسى ليالى الآه
ويهل أحلى صباح نلاقى الفرح معاه

ما تفرحش بسكاتى
النبع الصافي غير متواجد حالياً