عرض مشاركة واحدة
03-05-2010, 06:43 PM   #1
امل نيازى
vip
Crown5
 
تاريخ التسجيل: Jul 2007
الدولة: مصر - الاسكندرية
المشاركات: 19,885

basmala

[]احبتى
اسمحوا لى
اتذوق معكم
رائعة احمد فؤاد نجم [/]

[]يا اسكندرية
بحرك عجايب
ياا سكندرية بحرك عجايب

يا اسكندرية
بحرك عجايب[/]

[]ياريت ينوبني م الحب نايب
تحدفني موجة .. على صدر موجة
والبحر هوجة .. والصيد مطايب
أغسل هدومي .. وأنشر همومي
على شمسه طالعة .. وأنا فيها دايب
كأني فلاح في جيش عرابي .. مات ع الطوابي .. وراح في بحرك
كأني نسمه فوق الروابي .. م البحر جاية .. تغرق في سحرك
كأني كلمه من عقل بيرم .. كأني غنوة من قلب سيد
كأني جوا المظاهره طالب .. هتف باسمك .. ومات معيد
كأني صوت النديم .. في ليلك
بيصحي ناسك .. يشدوا حيلك
كأني طوبة من بيت في حارة
كأني دمعة .. في عيون سهارى
كأني نجمة فوق الفنارة .. تهدي الحيارى .. والبدر غايب
يا اسكندرية
يامصراويه
على سن باسم .. على ضحكه هاله
البحر
شباك ومشربيه
ياا سكندرية بحرك عجايب
[/]




[]وانتي الاميرة .. ع الدنيا طاله
يا اسكندرية عاشق وبدي .. ارتاح في حضنك
والود ودي
يكون كلامي .. عربون غرامي
وبالمحبة .. ناخد وندي
يا اسكندرية فيكي الغلابة .. ع الرزق يسعوا ولايناموش
صبح صباحهم .. رجع مساهم .. وزاد شقاهم .. ومارتاحوش
يا عيني ع اللي الزمان تعبهم
وضاع تعبهم .. ومالتقوش
نزل شبكهم في بحر طامي .. طلع شبكهم على فاشوش
وفيكي بين البشر ديابه
وفيكي فوق البشر وحوش
وفيكي ناس مغرمين صبابه .. لو خان زمانهم مابيخونوش
وفيكي خمري
سلمت امري
ما اقدرش اشوفه
وما انيلوش
سمك يا بني يا اسكندراني
في العشق واحد .. مالكش تاني
سمك يابني يا اسكندراني
في الحسن ساحر ومعجباني[/]

[] ياا سكندرية بحرك عجايب
[/]



[]سمك يابني
والعشـق غيه
تبدأ بنظره
تبقى ملاغيه
وكل عاشق وله بهيه
وكل شاعر وله اغاني
وأنا اللي عشق الصبايا كاري
أعشق وأغني ما اقدرش اداري
واي نظره بتجيب قراري
وايشحال عيونك
يا الاسمراني[/]

[]
ياا سكندرية بحرك عجايب


[/]
__________________

signature

امل نيازى غير متواجد حالياً