عرض مشاركة واحدة
02-17-2010, 06:49 PM   #1
القطه الشقيه
عضو في انتظار التفعيل البريدي
 
تاريخ التسجيل: Jan 2010
الدولة: الايميل المسجل غير مستخدم
المشاركات: 2,341
اعمال منوعه من السلك و الخرز

basmala

منوعات من السلك والخرز

هو عبارة عن ميدالية ممكن تتحط
في قلم زي كده



أو حتى نحطها في الموبايل

نبدأ كالعادة بالخامات اللي هنستخدمها معانا



هنجيب سلسلة باللون الدهبي أو الفضي زي ماتحبوا

بس طبعا المهم لون السلسلة يكون نفس
لون الأسلاك اللي هنستخدمها

وهنستخدم مجموعة من الخرز الشفاف زي
الموجود في الصورة
بمختلف أحجامه

اتنين لونهم موف كبار

ومجموعة ألوان على ذوقكوا حجمهم أصغر شوية

ومعاهم خرزتين زي اللي استخدمناهم في الحلق

واتنين غيرهم برضه بشكل هندسي كده زي
مسدس هندسي

وغيرهم ست خرزات لونهم دهبي على شكل
وردة زي ماحنا شايفين في الصورة برضه

وفاكرين الدبابيس الغير مدببة اللي قولنا
عليها قبل كده؟؟
هنستخدمها بس حجم أكبر شوية

وهنستخدم كمان قطعة اكسسوار دهب جواها
زي جلد اسود أو كاوتش

عشان نلفها على أي حاجة عايزينها سواء
سلسلة صغيرة للموبايل أو على القلم

ودي ممكن نجيبها من عند اللي بيصلحوا الشنط
الجلد أو من عند برضه بتوع الخردوات

ومع الخامات دي هنستخدم مجموعة أدوات
تسهل علينا شوية في تشكيل المعادن

أولها طبعا الزرادية وغير كده كمان حاجة شبه
البنسة برضه بس أساسها كاتر
يعني بتقطع المعادن
لو الزرادية بتاعتك فيها مكان بيقطع المعادن
وكويس يبقى ممكن نسنغنى عن الكاتر ده

وفيه شكل تاني من الزرادية مدور شوية
عشان نقدر نتحكم في شكل الحلقات

ودلوقتي نبدأ مع بعض
نبدأ الأول بالدبابيس بتاعتنا نحط فيها الخرز بالترتيب
وفي الآخر نعمل شكله حلقة زي الصورة



بعد كده هنجيب السلك وندخله في ناحية
من الاكسسوار بتاعنا

وبعدين نلفه على السلك الناحية
الأولى بالشكل ده



الجهة التانية من السلك اللي مش مربوطة
بالاكسسوارطبعا هنربطها بالسلسلة
اللي عملناها بالخرز في الأول

وده بعد مانعمله زي قطعة الاكسسوار نلفه
الأول حولين نفسه ونطلع زي حلقة منه
واللي هيتم ربطها بالسلسلة



وفي النهاية بيكون شكلها كده بعد مانحطها
على القلم بتاعنا



وزي ماقلتلكوا في الأول ممكن نحطها في الموبايل
مع زيادة السلاسل بتاعتنا بنفس الطريقة مثلا
القطه الشقيه غير متواجد حالياً