عرض مشاركة واحدة
08-21-2016, 01:26 AM   #11
علا الاسلام
مراقب عام
Crown5
 
تاريخ التسجيل: Aug 2010
الدولة: عيد ميلادك احلى عيد
المشاركات: 4,554



خمسة عين
*******



في خمسة عين بسمع عنهم ، من صغري وانا بحلم بيهم
وكنت شاطر وتملي ، زمايلي أنا الأول فيهم
وكتبي ماتفارق إيدي دايما في حضني مخليهم
وأهلي عايشين في معسكر صيف أو شتا ليا وليهم





الأوّلة عندي عيادة ومنها راح دكتورنا وجاي
والصبح مستشفى وعادة ،وازاى في يوم هقطعها ازاى
لازم أعالج خلق الله ،مارلين وفاطمة ونور وبشاي
لو حتى أنام في اليوم ساعتين وافطر ولو بسكوتة بشاي





والتانية عندي العربية أحدث موديل وبالتكييف
بقضي مشاويري براحتي ترحمني أيام حر الصيف
دكتور ياناس طبعا متجيش والوضع يبقى بجد سخيف
لو يوم أكون راكب أتوبيس أو طالع أجري وراه يالطيف





والتالتة تابتة وأمورة عروسة إيه أصل وصورة
عسولة حلوة وتملى العين من صيدلة أو دكتورة
وبنت ناس مش أي كلام نبيهه واعية وشطورة
وفرحنا ليلة عمر بجد ولا ألف ليلة الأسطورة





والرابعة آل عزبة وأطيان واسعة وترمح فيها الخيل
وايد كريمة مفيش غلبان يقصدني لو مسكين وعليل
إلا وأكمل واجبي معاه عز النهار أو نص الليل
طبعا دالازم أوفي الدين ودا طبع كل كريم وأصيل
والحمد لله على النعمة


نتابع

__________________

signature

علا الاسلام غير متواجد حالياً