عرض مشاركة واحدة
04-20-2016, 10:11 PM   #113
Amany Ezzat
vip
Crown5
 
تاريخ التسجيل: Jan 2014
الدولة: مصر
المشاركات: 6,575

و بسرعة عدت الأيام
زي النهاردة من سنة
سكت الكلام
لكن شريط الذكريات طويل،
مليان تفاصيل متنتهيش،
يبدأ من نطة لعيل صغير فوق سور الجنينة
عشان يقطف حباية رمان
وفلوس دهب من ايد الملك فاروق
اللي خطت رجله أبنود
و وزع على أطفال الكتاب هداياه،
صحبة مع أمل دنقل ويحيى الطاهر،
قرار ان الشعر ابقى من الشغل في الحكومة.
وسجاير فرط يقسمها مع يحيى الطاهر
وعزومات في بيتهم مبتخلصش.
شريط ابطاله كتير،
شخصيات و مطربين كتير ميتعدوش
عمود شعر ينشره جاهين،
وكلام عمره ما شاب زي عبد التواب
اللي شعره شاب وهواه لسه شباب..
نكسة و نصر، انهزام و امل مايموتش
كلمات غزل من خيري شلبي في روعة الابنودي
و محمود درويش يقول فيه
''عبد الرحمن أفضل شاعر في هذا الجيل''.
قعدات مع نجيب محفوظ وهيكل
وندوة مع يوسف إدريس
سجن مع عبد الناصر مقدرش يخليه يكرهه
وطلب من السادات بمقابلة شخصية
تخلص بعناد ينتصر فيه الشاعر ع الرئيس.
جايز يكون للخال أخطاء ،
عادي احنا بشر مش معصومين
لكن الأكيد ان للخال
تاريخ محدش يقدر ينفيه حتى الموت.
__________________

signature

Amany Ezzat غير متواجد حالياً