عرض مشاركة واحدة
04-20-2016, 07:37 PM   #3
هالة
مراقب عام
Crown5
 
تاريخ التسجيل: Jun 2007
الدولة: القاهرة - الاسكندرية
المشاركات: 26,198

مون مونتي الحلوة
تسلم افكارك حبيبة قلبي
فعلا فكرة الهاشتاج على الرغم
من ان الهاشتاج بكل ما يحدث الان
اتفرغ من مضمونة
لكنه اصبح اجمل بعرض اعمال فنانين كثير
كانت اعمالهم حكر على اصدقائهم
ومختفية داخل حساباتهم

بالنسبة للهاشتاج
مبدعات ورد لجميع الفنون
فورد للفنون فعلا
مَجْمَع فني رحب لكل الفنون

يسعدني اني اكون اول المندرجين
تحت الهاشتاج
مبدعات ورد لجميع الفنون

حبيبتى هالة ياترى ايه اكتر عمل فنى ليكى
بتعتزى به اكتر (وماتقوليش كلهم ولادى)
ياريت تمتعينا بصورة ليه مع ذكر اسباب اعتزاز به

اكيد كلهم اولادي هههههههههه
لكن فيه الصغير اللي لسه محتاج ماما
وده الكثير من المشاريع الفنية
اللي بدأتها ولسه مخلصتش لحد الان
لكن فعلا الاحب الى قلبي دوما
اللي بيكون فكرة بعيدة وصعبة التنفيذ
لكن مع شوية صبر وعزيمة بيكون افضل
مما تصورته وهو لسه على الورق

حبي الجديد الايام دي
الشبابيك
فعلا اخدت وقت ومع التصميم على اخراجها
بأفضل شكل الحمد لله نالت اعجاب الجميع




المبدعه هالة على ياترى ايه اصعب عمل فنى
اخد منك مجهود ووقت كبير؟

اصعب عمل فني اخد مني وقت ومجهود
كان فلافيلو حبيب قلبي
ههههههههههههه
بتشجيع منكم حبيباتي كانت البداية
عمل الكركاز او الشاسيه اللي ح اشكل عليه الجسم
كان متعب شوية خصوصا ان السلك سُمك 2 مللي
رأس الفيل بكل تفاصيلها اخدت وقت
الى جانب تثبيت السلك عليه




هالة الفنانة الجميلة ياريت تسعدينا
باول شجرة لكى وكيف اتجهتى لعمل اشجار خرز؟

بدايتي مع اشجار الخرز كانت من سنين كثيرة
وقت ان شاهدت برنامج " مجلة المرأة "
في التليفزيون المصري وكانت احدى سيدات الدبلوماسيين
بتعرض شغلها بالسلك والخرز
حبيت اجرب وكانت اول اشجاري فرع واحد
به العديد من الفروع الصغيرة
وطبعا الصغير بيكبر فالشجر كبر مع صاحبته
دي واحدة من احب الاشجار الى قلبي




اكسسواراتك تمتاز بالرقه والنعومه
اختارى عمل وكلمينا عنه بالصور؟

على كثرة ما عملت من اكسسوارات
لكن الاسورة دي بحبها لان فكرتها
كانت اول مرة اجربها
ولونها عجبني قوي والحمد لله
كانت النتيجة مُرضية ليا






هالة غير متواجد حالياً