عرض مشاركة واحدة
02-11-2010, 08:03 PM   #1
القطه الشقيه
عضو في انتظار التفعيل البريدي
 
تاريخ التسجيل: Jan 2010
الدولة: الايميل المسجل غير مستخدم
المشاركات: 2,341
بيقولوا عليا شاعر بتحكم فى المشاعر

basmala

بيقولوا عليا شاعر
باتحكم فى المشاعر
باتحكم فى المشاعر
من كتر ما قولتها
بيقولوا عليا قادر
على كل جراحي قادر
وبدارى الفرح فيها
وكإنى رسمتها
وبكايا واحساساتى
أكبر كدبة فى حياتى
حرفين من كلمة حلوة
بإيديا كتبتها
وسطور عمرى اللى راحوا
ودموع قلبى وجراحه
بانسجهم من خيالى
وحروف دوّنتها
بيقولوا عليا شاعر
باتحكم فى المشاعر!
باتحكم فى المشاعر
من كتر ما قولتها
ايام عمرى الجميلة
مرت فى عيونى ليلة
ما أخدتش منها حاجة
اكتر ما اديتلها
ووصفت جراحى فيها
بحاضرها و بماضيها
مالقيتش ثوانى فيها
اتمنى ارجعلها
ولا ذكرى فى يوم تاخدنى
واتمنى تبات فى حضنى
واحلم لو يوم تجينى
او يرجع وقتها
وبكايا واحساساتى
اكبر كدبة فى حياتى
حرفين من كلمة حلوة
بإيديا كتبتها
انا مهما تشوف عنيا
وتحس الشوق ايديا
واوصف احساس هوايا
واتحكم فى الكلام
لسه الحب فى عنيا
اصعب احساس عليا
احساس مجروح بيصرخ
ويحايل فى الآلام
لكن دايماً ب اغنى
مهما الإحساس فتنى
و افرح لو قالوا عنى
كدبة و صدقتها
بيقولوا عليا شاعر
باتحكم فى المشاعر!
بتحكم فى المشاعر
من كتر ما قولتها


منقول
القطه الشقيه غير متواجد حالياً