عرض مشاركة واحدة
02-27-2016, 08:41 PM   #2
هند
مراقب عام
Crown5
 
تاريخ التسجيل: Sep 2007
الدولة: مصر - المنوفية
المشاركات: 10,714

ولمن هم من خارج القاهرة
وتعاملهم قليل مع المترو

اقدم هذا المثال لتوضيح طريقة التبديل

(ونتكلم بالعاميه اسهل)

وانا جايه من المنوفيه اول ما اوصل القاهره
تقابلنى محطة شبرا ( الخط الثانى)
وانا عايزه اروح شغلى فى التحرير
قريب من محطة سعد زغلول (الخط الاول)

يعنى بركب الخط التانى
لكن عايزه اروح محطه على الخط الاول

اركب من محطة شبرا (الخط الثانى شبرا - المنيب)
وانزل فى محطة الشهداء او السادات (وهى محطات التبديل)
وفى نفس المحطة ابحث عن قطار الخط الاول (خط المرج - حلوان)
اركبه حتى محطة سعد زغلول


اما لو عايزه اروح معرض الكتاب مثلا
ومحطة المعرض على الخط الثالث(خط العباسيه - المطار)

اركب من شبرا وانزل العتبه
(وهى محطة التبديل للخط الثالث)
اغير القطار واركب قطار العباسيه وانزل فى محطة المعرض



معلش يمكن اللى بيركبوا المترو باستمرار يكون الكلام
ده عادى ومش محتاج شرح
لكن بالنسبه للغريب بيبقى صعب
ومش قادر يفهم يروح ازاى وفين
__________________

signature

هند غير متواجد حالياً