عرض مشاركة واحدة
04-13-2015, 01:50 AM   #33
Amany Ezzat
vip
Crown5
 
تاريخ التسجيل: Jan 2014
الدولة: مصر
المشاركات: 6,586

ميّت عشان فرصته بتضيع
لولاد كلاب وولاد جرابيع
ثابتين على عرش فشلهم
نايمين على وش عسلهم
سرقوا الرغيف والحرية
سرقوا السياسة الخارجيه
ادوا الحرامى بنوك الوز
وادوله مصنع طعمه يلذ
وادوله فندق لجل يهز
وادوا الحديد لاولاد العز
والبورصه محشورة فى جيبهم
والسد لو كنا نسيبهم
بميته وبكهربته
بكره هايدخل فى نصيبهم


مدد يا صوت عبد الناصر
مدد يا شيخ حسن البنا
نفسى فى شىء قبل الجنة
يقوم بأه حزب وطنا
ونقضي ع اللي مسرطنّا
الليل يتوب عن كوابيسه
وأشوف فى مصر رئيس سابق
والجى ميكونش وريثه

مدد يا يحيى حسين يا أمين
بيخصخصوا الهوا والميادين
بيمصمصوا الناس والفدادين
باعوا الطريق الصحراوى
وباعوا احلام الجامعه
وهتكوا عرض الشرقاوى
وعملوا بيصلوا الجمعه
باعوا وباعوا وهايبيعوا
شيخ الوطن ولّلا رضيعه
وباعوا صوت عبد الباسط
وشهر يوليه واسابيعه
Amany Ezzat غير متواجد حالياً