عرض مشاركة واحدة
03-26-2015, 05:17 PM   #3
Amany Ezzat
vip
Crown5
 
تاريخ التسجيل: Jan 2014
الدولة: مصر
المشاركات: 6,577

[] حرامى وعاصى وكداب
عاجز هزيل المطايا
وتبــت ورجــعت للــبـاب
هيا جــــزيل العطايا



خشب المراكب من السنط
في البحر ياخد مهاجه
واجل ع الحر يلزم الصمت
لما الهلف باخد مهاجه



خلخال خطر ع القدم
كل المحاسن فيه
والصايغ اسمه حسن
صانع جميع مافيه



دخلت بستان حبيبي
أتفرج علي اللي فيه
لاقيت عريض الفلا
فارش ونايم فيه



دايما على الحمل صبار
الـلـي أصـوله زكيه
ويخشى من اللوم والعار
و مـن انكشاف الطويه



زمنا زمن الكلوبات
لمط الصفيح بطلوها
ياما ناس ما لهاش ابات
صبحت تحلف بابوها



سكت الهَوى والناموس طار
والسبع طاطا بعينه
خليه دا النومِ أستار
لما الكلب ياخد يومينه



سحبت سيف المحبه
لجل ما أرميه
رمش بعينه رماني
قبل انا ما أرميه




شوف الزمان انتهت عَدَليه
وادي البُطْل ع الحق راكِب
جه السبع يُطلُب عدليه
لَقَي الهِلف ع التخت راكب
[/]
Amany Ezzat غير متواجد حالياً