عرض مشاركة واحدة
02-16-2015, 03:10 AM   #1
dodo4m82
شريك
stars-1-3
 
تاريخ التسجيل: Feb 2015
الدولة: مصر
المشاركات: 47
تعالى اقولك على سر البطاطس الشيبسي ولا سلق ولا حاجه

basmala

ازيكوا يا احلى اعضاء فى الدنيا
انا جيلكم اقولكم على ازاى البطاطس الشبسي الصح مقرمشه ورقيقه وباطعمه مختلفه

انا لقيت ناس كتير اوى بيقولوا طرق للبطاطس المقليه الصوابع والشيبسي علشان تطلع زى بره ومقرمشه

انا هقلكم انا جارتى الله يمسيها بالخير ست بيت درجه اولى علمتنى البطاطس الشيبسي
ولا سلق ولا يحزنون كل اللى فالموضوع انك هتقطعى البطاطس حلقات رفيعه اوى وتغسليها وترشي عليها شويه ملح
ولو كنتى هتعمليها بطعم الفراخ بلاش الملح خالص وهقلك ليه بس وهتقليها

وطبعا هتقولى منا بعمل كده وبتطلع طريه ايه الجديد
الجديد انك تحطى زيت غزير عادى معروف

لا الجديد بجد انك تحطيها والزيت بارد اه بارد والله بارد مش هتشرب الزيت ولا حاجه
وتوطى النار خالص عالاخر وتنسيها وتبقى حاطه كميه مناسبه للطاسه
علشان هنضيف شويه زيت تانى فى تانى رصه
لتبريد الزيت و ماتبقاش وحدات البطاطس فوق بعض
وممكن بطرف سكينه تبعدى اللى فوق بعض من على بعض بس
وهتاخد شويه وقت بس هتدعيلي لانها هتطلع مقرمشه 100%
والله اهم حاجه تطلعيها لما تصفر ماتستنيش لما تنشف جو الزيت اوى
لانها هتطلع تبقى سنه مقرمشه وهتقرمش اكتر

لما تطلع نيجى بقى للطعم انا لما بعملها بالكارى بضيف الكارى بعد مابتطلع على طول وهي بتغلى
وبطعم الدجاج بمرقه الدجاج الفوريه وارش رشه خفيفه لان فيها ملح وبتدى الطعم
وبطعم اللحمه مرقه اللحمه زى الفراخ بالظبط تمام لحد كده تمام

نجى بقى للصوابع عوزه تعملى بطاطس فارم فريتس فى بيتك
يبقى لا تسلقى ولا تتعبى نفسك كل اللى هتعمليه
انك هتجيبى مثلا كيلو بطاطس وتقطعيه صوابع وسط
وتقليها نصف قليه يعنى لما تحسي انها دخله عالسوا
تطفى النار وتطلعيها على ورق يمتص الزيت
وطبعا هتنزل كميه زيت لا باس بها
واول ماتبرد تحطيها بالراحه فى اكياس او كيس واحد انتى وراحتك
وعلى الفريزر تجمد ومنين تحبى تكلى بطاطس تطلعى وهتقلى وهتدعيلي وانتى بتكليها
لانى بامانه جربت حكايه سلقها فى ميه وخل وملح وطلعت وحشه جدا والله بس جربوا وهتدعولى
وعلى فكره انا استاذه فى اكل التيك واى وههريكوا وصفات من دى
اسيبكوا تجربوا واوعوا تنسوا دعوه حلوه بانى اخاوى ابنى
واللى تبوظ منها ماتدعيش عليا بس اضمنلكوا لو عملتوا زى مابقول
هتطلع زى اللى بره بالظبط

امانه على كل وحده تجربها وتقلنا طلعت معاها ازاى سواء نجحت ام لا
dodo4m82 غير متواجد حالياً