عرض مشاركة واحدة
02-16-2015, 02:48 AM   #1
dodo4m82
شريك
stars-1-3
 
تاريخ التسجيل: Feb 2015
الدولة: مصر
المشاركات: 47
سلطة كول سلو كنتاكى او بيتزا هت من ايديا وتحدى

basmala

طبعا عشان اثبت انى عضوة فعاله وحابه منتداكم هنزلكم وصفتى الخاصه جدا ومميزه عن السلطه المحبوبه كول سلو


اتحدى اى وحده
تجرب الطريقه دى وتقلى انه مش زى اللى فى فى المطعمين دول بالظبط
كنتاكى وبيتزا هت
بجد تحدى من عندى على الوصفه دى سيبك من

انا جربت كتير وبامانه شيف زميل جوزى اللى ادهانى وطلعت تجنن سلطه كول سلو كنتاكى وبيتزا هت من عندى وطعم زى اللى بره وتحدى....وبالصور
من الاخر هستنى منك وانتى تدوقيها دعوه حلوه زيك ماشي ندخل عالمكونات



كرنبه صغيره او قلب كرنبه مع بعض الاوراق القريبه منه
جزر مبشور خشن اى
كوب لبن رائب (هام جدا) ولا يمكن استبداله او الاستغناء عنه
1.5كوب سكر ناعم مش بورده زى سكر الاسره كده ومتخفوش من الكميه
معلقه غرف الطعام مايونيز او 3 معالق طعام منه
رشه ملح
رشه فلفل ابيض هام ايضا


نجى بقى للطريقه ودى مهم اوى والتكنيك بتعها مهم تمام
هنضرب الكولسلو فى الكبه للحصول على طعم سلطه كنتاكى او تبشري الكرنب بالمبشره الكهرباء او تقطيعها بالسكين للحصول على طعم كول سلو بيتزا هت
واكيد بتسالوا الفرق فى التقطيع يفرق فى الطعم اقلك اه ضرب الكرنب فى الكبه بيحافظ عالسوائل اللى فيه فبينزل صوص اللى هو زى اللبن اقل والبشر العكس بينزل سائل كتير
وبعدين نحط الكرنب فى طبق غويط ونحط عليه اللبن الرائب واوعى تزودى كميه اللبن ونحط السكر ونلبس جوانتى ونبتدى نقلب بايدنا من تحت لفوق لحد ماتحسي ان السكر ذاب
ثم تحطى رشه الفلفل والملح والجزر وتقلبى تانى ومتقلقيش من كميه السكر هتبقى حلوه اوى ورشه الملح هتعادل الطعم
ومتقدريش تحكمى ان السكر زايد الا بعد مرور ساعتين عالاقل لان الطعم بيتظبط بعد نزول السوائل اللى فى الكرنب والجزر بعد كده تضيفى مغرفه محترمه مايونيز وتقلبيه


وفعلبه بلاستيك تحطيها وتغطيها وتنسيها ساعتين تلاته وبعدها لما تدوقيها هتدعيلى من قلبك لانى وفرتلك 14 جنيه حق طبق نونو فى بيتزا هت ولانك هتبقى مميزه فى عائلتك انك شيف زى بره بالظبط
وماتنسوش تدعولى

dodo4m82 غير متواجد حالياً