عرض مشاركة واحدة
02-09-2015, 02:36 PM   #67
علا الاسلام
مراقب عام
Crown5
 
تاريخ التسجيل: Aug 2010
الدولة: عيد ميلادك احلى عيد
المشاركات: 4,553






تراجيديا القُراداتى
**********

عايش متعشم ف الآتـى
بأحلـم لـو رقتى يا أوقاتـى
والمعنـى الضايع ف حيـاتـى
ألقـاه وأشعـر مـرة بذاتى
أنـا صاحب القـرد القرداتـى



بجاكتـه وجلابيـه قديمـه
وبرٍِق ماعدش عليـه قيمـه
وحذاء ولا شبلـن فى السيمـا
وعصايـا بادور بيهـا يوماتى
أنـا صاحب القرد القرداتـى



أستفتح يـومـى بكـام ركعـه
وبدعـوه من أمـى تكـون باتعـه
وشويـه فـول جـوا القصعـه
للقرد وليـا ولمـراتـــى
أنـا صاحب القـرد القرداتى



وأخرج والصبح بيتنفـس
والقرد من البـرد مكسكس
وأنـا برضـه معـاه مش متحمـس
وباقـول للحـظ ياشيـخ واتـى
أنـا صاحب القرد القرداتى




وألف حوارى بدخانيقهـا
الفقـر معشش وخانقهـا
ويوماتى بالابـط وأخانقهـا
عشـان بتكتـم قروشـاتى
أنـا صاحب القرد القرداتى



الخلـق بتقعـد تتفرج
وبـ الساعـه وتضحـك وتهـرج
ع القرد وهـو بيتـبـــرج
وبيعمـل دور شاب فـلاتـى
أنـا صاحب القرد القرداتـى






نتابع
__________________

signature

علا الاسلام غير متواجد حالياً