عرض مشاركة واحدة
11-20-2014, 11:14 AM   #10
علا الاسلام
مراقب عام
Crown5
 
تاريخ التسجيل: Aug 2010
الدولة: عيد ميلادك احلى عيد
المشاركات: 4,550






كراكيب ...جوه ...وبره
***************
هى :
كتبت تقول
كلنا عندنا كراكيب فى بيوتنا‘ فى عربيتنا ‘
فى شنطة الايد للسيدات‘ والمحفظه للرجال....
كمان بتزيد مسألة الكراكيب بقى للستات فى البيت ..
وبعض الرجال أصحاب الوظائف المهنيه الحرفيه
برضه هتلاقى عندهم كراكيب
مشكلة الكراكيب دى كنت بعانى منها وأنا صغيرة فى بيت أهلى
و كنت دايما أقول لازم أتخلص منها لما اتجوز
وبعد الجواز طبعا البيت كان فاضى
وبدأت اكتشف أنى حامله جين مُحب للكراكيب
جين كل حاجه هتنفع ..



أبويا كان دائما يقولى ارمى الأشياء اللى مر عليها
وقت ومستعملتيهاش بلاش تكركبى الدنيا....
بس أمى حبيبتى كنت زيها , كل شئ هينفع.
أقوله حاضر إن شاء الله ...
وأبدأ حملات شعواء لجمع الكراكيب ...
وبعدين اكتشف إنى وأنا أثناء الحمله عماله أحط ده على جنب ..
خساره هينفع لما الماسورة تتكسر...
ودى هتنفع لما القماش تدوب...
ودى هتنفع أعملها قدام شويه خيشه ...
وأنا لا أمسح بيدى لمشاكل ظهرى...
يعنى بضحك على نفسى



وده غطا وده زجاجه هاعملها مقلمه ولا هاعملها زهريه
يمكن مشكلتى إنى بعرف استغل الأشياء واعمل لها إعاده تدوير...
بس للأسف اكتشفت إنى عماله أكركب الدنيا
ومش عارفه أعمل ايه
جبت دولاب ولميت فيه الكراكيب
وقلت كده خلاص مفيش كراكيب تانى...
وشويه وإيه اللى حصل؟
كل الأماكن الفاضيه بقت كلها كراكيب من تانى ...
حتى عند باب الشقه قلت أحط كارتونه كبيره
أجمع الكراكيب وارميها ..
بقت الكارتونه ديكور فى البيت
وبقيت أجيب مفرش شيك أغطيها بيه
علشان شكلها ميبقاش وحش
طيب ما أخلص وارمى الكراكيب إللى فيها...!



أخدت القرار وقلت لزوجة البواب هاديك الكارتونه دى
تتصرفى فيها بس يومين كده وأنادى لك...
بعطى نفسى فرصه أستمتع بكراكيبى أطول وقت ممكن .

مش بكتب الكلام ده فرحانه بنفسى
ولا عاجبنى اللى أنا فيه
بس عايزة أولا حاجتين :
أولا..
نبص للكراكيب اللى جوانا قبل كراكيب بيوتنا...
يعنى أكيد كل واحد فينا شايل شوية كراكيب على جنب
يطلعهم وقت العوزة...
والحقيقه مش هانسى مقولة كنت قرأتها وعجبتنى ...
( اوعى تجترى زى الجمال وطلعى اللى جوه وارمى )
كراكيبنا بنجترها زى الجمال وتسود عيشتنا...
زى كراكيب البيت مهى مبهدله بيتنا



ثانيا ..
طلب مهم من الكل
إزاى وبجد وبشكل جدى اتخلص من الكراكيب إللى فى البيت
ودمتم أصحاء لستواا من مدمنين الكراكيب ولا أسرى لها

ملحوظه...
أخدتم القرار ولا بعد يومين زى؟؟


نتابع



__________________

signature

علا الاسلام غير متواجد حالياً