عرض مشاركة واحدة
11-15-2014, 09:32 PM   #3
علا الاسلام
مراقب عام
Crown5
 
تاريخ التسجيل: Aug 2010
الدولة: عيد ميلادك احلى عيد
المشاركات: 4,553








شوال القيم والفضائل والأخلاق
*******************
علا نداء تاجر الروبابيكيا
بيكيااااااااااااا ايكياااااااااااا أى حاجة قديمة للبيع
كرااااااااااااااكيب
سخانات بوتجازات براويز وراديوهات
بيكياااااااااااااااااااا
أقلق الصوت أحدهم وفى نفس الوقت تذكر
أنه بحاجة إلى واحد بتاع روبابيكيا



تدلى نصفه الأعلى من البلكونة مناديا
يا بتاع الروبابيكيا
- اااااااااااااااااااييييييييييييوه
- اطلع عايزك
وصعد تاجر الروبابيكيا
- أيوه يا محترم عندك إيه عايز تبيعه
ومكركبلك حياتك وعايز تخلص منه
قال له الرجل لحظة
وغاب عن باب الشقة لحظات
وعاد وهو يحمل شوال كبير
قدمه للتاجر وهو يقول ها هو هذا الشوال
زاحم لى المكان ومش لاقيله استخدام
وخانقنى



رد التاجر ماشى يا محترم
وفيه إيه بقى الشوال ده ؟ ورق جرايد؟
الرجل : لاء ورق جرايد إيه
التاجر أومال كتب قديمه وكراريس ؟
الرجل يا سيدى لاء كتب وكراريس ايه
التاجر أومال فيه إيه عشان أعرف أقيمه
إنت كده معطلنى ومضيع وقتى
قال الرجل فى يأس وإحباط
إنه مليىء بمجموعة من القيم والأخلاق والفضائل



ابتسم البائع فى سخرية وقال
ومطلعنى السلم وموقفنى ومعطلنى
وفى الآخر تقولى قيم وفضائل
يا أستاذ بضاعتك دى زى ما أنت مش لازماك ولا عايزها
محدش كمان بقى مهتم بيها ولا بيدور عليها
أشتريها منك أعمل بيها إيه
قال الرجل ولكنها تزحم حياتى دون فائدة
خذها بأى ثمن
قال التاجر من يشترى أشياء لا حاجة له بها فأنه يسرق نفسه
يا سيدى و الأولى بى وأنا تاجر أن أشترى ما يلزمنى فقط
و أنا واثق من أننى سوف أجد له مشترى
أما فى حالة بضاعتك هذه فأنا لا أضمن السوق !
آسف لا أستطيع الشراء
قال الرجل طب ... طب خدها ببلاش
قال التاجر ولماذا أحمل حملا يرهق أكتافى
دون حاجة لى به



قال الرجل طب والحل أعمل فيها إيه ؟
فكر التاجر قليلا ثم قال :
حسنا انت لاتريدها ولا يريدها أحد
فلتلقى بها الى صفيحة القمامة حيث يلقى الناس فضلاتهم
أنفرجت أسارير الرجل وقال كيف لى أن تاه
عن بالى مثل هذا الحل
أشكرك
وصافح تاجر الروبابيكيا !!
ووضع الشوال فى ارتياح داخل صفيحة القمامة
ومر يوم واثنين وثلاثة ويأتى "الزبال"
فيأخذ القمامة ويترك الشوال !!
وترك الرجل المنزل وسكنه آخرون و آخرون
ومازال الشوال فى ركن السلم "مركون"
يبحث عن صاحب قد يهمه أن يكون ملكا له فى يوم من الأيام

شوال مليىء بالقيم والفضائل والاخلاق !!



نتابع




__________________

signature

علا الاسلام غير متواجد حالياً