عرض مشاركة واحدة
07-03-2014, 07:04 AM   #39
Amany Ezzat
vip
Crown5
 
تاريخ التسجيل: Jan 2014
الدولة: مصر
المشاركات: 6,580

صور شعرية وأوبريتات غنائية

إحنا جينا آهه

جينا آهه فى مَعادنا .

نهتف كِدَهُه :

فلتعيش بلدنا!

ونبوس أهلنا وأجدادنا

فى الوطن دهه

يلا

إحنا جينا آهه

كل يوم فيه عيد ميلاد

والجميع جاية له دعوة

على قد الاجتهاد

كله ياخد حاجة حلوة

البنات ... والولاد

القدام ... والجداد

نشترك سوا فى غنوة

ونقول هنا آهه

إحنا جينا آهه

كل يوم يطلع صباح

أحلى م اليوم اللى قبله

نبتسم له بارتياح

كلنا ونقوم نقابله

بالإيمان

والصلاح

والجهاد

والكفاح

الأمل ما نسيبش حبله

ونقول هنا هه

إحنا جينا آهه

يا سلام ع الابتسام

اللى مليان بالعزيمة

تحت أعلام السلام

تتعمل حاجات عظيمة

باهتمام

وانسجام

تشتغل

فى نظام

الحياة يبقى لها قيمة

ونقول هنا هه

إحنا جينا آهه


المكن"صورة غنائية"


أصوات مجاميع

(1) :

إحنا كفر المقاتة

عاوزين بوابير حراتة

(2) :

إحنا مِنية مليج

عاوزين بوابير حليج

(3) :

إحنا شبرا العلاوى

عاوزين مصنع كيماوى

(4) :

إحنا محلة شديد

عاوزين مصنع حديد

الجميع :

إحنا أهل الوطن


إحنا الريف والمدن


كلنا عاوزين مصانع


كلنا عاوزين مكن


مكن .. مكن .. مكن


معلوم .. لازم مكن

فى البحر


الصياد :

يا حميدو طل وشوف

جاية فى البحر صفوف

حميدو :

أيوووه يابا ع البواخر

على مدد الشوف ألوف

عمال التركيب :

خلع مسامير خلع خلع


افتح صناديق ياللا وطلع


وضب رتب نضف ركب


افتح مصنع وكمان مصنع


وكمان وكمان وكمان وكمان


وكمان وكمان وكمان مصنع !


وكمان وكمان وكمان وكمان


وكمان وكمان وكمان مصنع


خلع !


عامل :

مليون براوه يا ناس على دى تروس


دى سواقى دايرة شايلة بحر فلوس


تسقيفة للمكن اللى جاى لنا


من بره يدى فى الشطارة دروس


تسقيفة للمكن اللى جاى لنا


يزاملنا يا ولاد جيلنا ف نضالنا


قابلوا المكن بالحضن والزغاريط


عقبال ما تعمل زيه عمالنا . .


دار المكن وبقاله صوت جبار


سال العرق جنب المكن أنهار


مداخننا كتبت عنا فوق الريح


ما بقاش هنا استغلال ولا استعمار


احصد غيطان الصلب يا عثمان


الشعب مستنظر كنوز أسوان


بكره مكن بره يجيب مواليد


ومكن جديد عربى يوماتى يبان


رجال :

عايزين نصنع مكننا

بإيدين عمال وطننا


نساء :

عايزين نصنع مكننا

بإيدين عمال وطننا


أطفال :

عايزين نصنع مكننا

بإيدين عمال وطننا


شباب :

عندنا أسوان

ياللا يا جدعان


ده زماننا وده أواننا

أنا كنت عمرى لم رأيت أسوان


يا فرحتى رأيتها بعينيا ..


أسوان على مجد العرب عنوان


منجم عزيمة حديد وحرية


وأنا كنت عمرى لم رأيت منجم


يا فرحتى وأنا وسط عُماله


رعد المطارق فى الجبل دمدم


بنغم مفيش أنغام فى جماله


غنى العمل


رقص الأمل


وبقيت سعيد نشوان

وأنا كنت عمرى لم رأيت أسوان


وأنا كنت عمرى لم رأيت مطرقة


يا فرحتى والمطرقة ف إيدى


حسيت فى دمى بشمسنا المشرقة


وبالحديد مصهور فى وريدى


دمى اشتعل


قلبى اشتغل


وبقيت سعيد نشوان


وأَنا كنت عمرى لم رأيت أسوان


رجال :

يا صلب يا مصهور

سحرك عجيب مشهور


نساء :

يا صلب يا سايح

صيتك بعيد رايح


الجميع :

إعمل لنا مسمار

واعمل لنا أجنة


إعمل لنا مزمار


واعمل لنا مكنة


إعمل لنا يا صلب


صاروخ يجيب الشمس


تسطع فى إيد الشعب


والغد يصبح أمس


يا صلب ، يا مصهور


أصوات حالمة :

وإتقدم يا زمان


واتقدم يا وطن


واصنع انت المصانع


واصنع انت المكن


(1) :

احنا كفر المقاتة

عندنا بوابير حراتة


(2) :

إحنا منية مليج

عندنا بوابير حليج


(3) :

إحنا شبرا العلاوى

عندنا مصنع كيماوى
(4) :

إحنا محلة شديد

عندنا مصنع حديد

واتقدم يا زمان

واتقدم يا زمان

واتقدم يا زمان

واتقدم يا زمان

واتقدم يا زمان




توسيع القنال


نداء :

انت مين .. ؟

رد :

ابن ابنه .. يعنى حفيده

نداء :

هو مين ..؟

رد :

اللى حفرها بإيده

نداء :

وجمال .. ؟

رد :

أممِّها .. أممِّها .. أممِّها

مجموعة:

وسع يا جدع وسع

للشبان المجدع

وسع يا جدع وسع

ده قنالنا بيتوسع

الريس قال ياللا

كل الشعب اتطوع

قوم . . شيل . . هات . . خُد . . إرفع

تتابع :

علمك . . خدمك . . إدفع

دينك . . فينك . . إطلع

مجدك . . بلدك . . إنفع

وسع يا جدع وسع

للشبان المجدع

المجموع : المفرد

ياما : ياما ياما وياما

ياما : مين عنده شهامة

ياما : مين عنده كرامة

ياما : كام نفر اتطوع

ياما : كام قلب مولع

ياما : كام إيد بتوسع

ياما : فيه كام عين شايفة

ياما : من حمص لحيفا

ياما : ياما ياما وياما

ياما : ياما بكرة ح نفرح

ياما : والشجرة ح تطرح

ياما : والأملة ح تصبح

ياما : والخير ح يجينا

ياما : على كل سفينة

ياما : ياما ياما وياما

ياما : بنحب دراعنا

ياما : اللى بينفعنا

ياما : ونقول وسَّعنا

ياما : غلايين ح تعدى

ياما : وتجيب وتودى

ياما : ياما ياما وياما
Amany Ezzat غير متواجد حالياً