عرض مشاركة واحدة
02-19-2014, 10:34 PM   #1
احمد شريف
شريك مميز
stars-2-2
 
تاريخ التسجيل: Jan 2014
الدولة: مصر - الاسكندرية
المشاركات: 891
فازه بخامات البيئه وظرف من انتاجى

basmala

اهلا بيكم من غير رغي كتير
العضوة بنت تونس
ربنا يكرمها كانت منزلة موضوع في قسم
الديكور عن المزهريات فعجبتني اوي اوي
اول فازة لانها مبتكرة وشكلها غريب
وانا احب اللي حاجات الغريبة
هي اول صورة دي اما انا بقي
فعملتها بخامات البيئة
الادوات
ازازة بيبسي
سلطنية الرز بلبن البلاستيك
كرتونة
كوب بلاستيك انا استخدمت بتاع الايس كريم
اخدت الازازة قطعتها من فوق بس وجبت الكوب
ولزقت عليه الكرتونة عشان الفازة تتطول
كنت حسيبها علي كدة
بس معجبتنيش من فوق حسيتها قرعة كدة
رحت جبت السلطانية ولزقتها
وحطيت المعجون عليها كلها
فبقت قوية وغلفتها بالمناديل كمان
وعملت فوق عناقيد عنب من المناديلعلي السلطانية
دهنتها دهبي
ودهنت الفازة بلون ابيض
المانيكانة اللي علي الفازة كنت عايز اعملها بعجينة السيراميك
مقلوكوش علي المنظر كان وفضلت راكنها من يومها
لحد ما الحمد لله جالي الالهام وطبعت الصورة
وقصيت وعملتلها شوية ديكوباج
جبت فلين وقصيته علي نفس الصورة ودهنته دهبي
ولزقت بالسليكون فبقت الصورة بارزة جميلة حطيت شرايط
من الورق الملون فبقت شيك اوي وحطيت شوية جليتر
فالحمد لله طلعت حوالي 80 في المية من الشكل الاساسي
وحتي لو فيها غلطات بالنسبة لي انا معجب بها الحمد لله
اما ظرف المعايدة بسيط جدا جاتلي الفكرة وقلت انفذها
وطلع شكله حلو دي ورقتين بيض من اللي بتاع الطباعة
لزقتهم في بعض وقصيت دهنت الورقة فوشيا
بعد كدة عملت قلب بس دهنته خلطة من الجليتر
فشكله تحفة يمكن الصور مش موضحاه
لكن علي الحقيقة باين
الخلطة عبارة عن جليتر فضي وموف واحمر
بحطهم في علبة وارجهم
يطلع لون جميل بس بعد منشف الظرف
لزقتهم من الجمب وعملت الفتحة من فوق
نحط اللي احنا عايزينه ونقفل الظرف بس كدة
اتمني افكار النهاردة تعجبكم
وتردوا علي الموضوع
في انتظار ارائكم مع السلامة










احمد شريف غير متواجد حالياً