عرض مشاركة واحدة
02-03-2010, 11:57 PM   #1
القطه الشقيه
عضو في انتظار التفعيل البريدي
 
تاريخ التسجيل: Jan 2010
الدولة: الايميل المسجل غير مستخدم
المشاركات: 2,341
نصائح لتثبيت لون الحنه

basmala

لو عايزه ترسمى حنه سودا
ولونها جميل
وتفضل وقت كبير
اقولك ياستى
انتى تجيبى حنه وياريت لو حنه سودانى
او سعودى لكن لو مصرى من اللى
فى الاجزخانه حنه خمس خمسات
مش حتقول لا برده
تجيبى معلقه منها
المهم وتجيبى معاها من عند العطار
حاجه اسمها حجر اسود
تطحنيه كويس قوى وتحطيه على الحنه
وتعجنيهم بنقطتين ميه
وتسيبيهم يخمروا من باليل للصبح
وتانى يوم تحطى عليهم نقطتين اكسجين
برده من الاجزخانه وتعجنيهم تانى
وتبدئى تحطيهم على ضوافرك
زى المنوكير وترسمى على ايدك
وعلى رجلك يابقرطاس ياما بعود كبريت
وتسيبهم لما ينشفو خالص
وبعدين قومى اغسليهم بميه
بس اوعى تبهدلى نفسك وهدومك بيها
ممكن تشعرى بوغز فى ضوافرك
ماتقلقيش ده من الاكسجين
ولما تغسلى ايدك حيروح وممكن يطول معكى
لتانى يوم بس ماتقلقيش
على فكره بتفضل فتره كبيره قوى على الضوافر

فيه طريقه تانيه
بس دى لا تدوم فتره كبيره
جيبى من الصيدليه كيس صبغه بايجون سودا
كيس مش علبه
واعجنى معلقه منهم بنقطتين ميه
وبرده استعمليهم زى الحنه
دى طريقه اسهل ومش غاليه ومش بتحسى بالوغز بتاع الاكسجين
بس عيبها انها مش بتقعد فتره كبيره

جربوهم وادعولى
القطه الشقيه غير متواجد حالياً