عرض مشاركة واحدة
01-30-2014, 09:12 AM   #506
منى سامى
مراقب عام
Crown5
 
تاريخ التسجيل: Oct 2007
الدولة: عيد ميلادك احلى عيد
المشاركات: 15,421

رباعيات الا ربع




انت بتحب بجد؟
يعنى عندك قلب
بيدق كدا زى البنى ادمين
مش بيلف شمال ويمين
طيب ليه مش بتبين حبك
ولا ده يعنى ذنب اللى حبك
يعيش طول عمره مظلوم
كاتم فى قلبه ومهموم
فاكر انك بجد ناسيه
ولا على باله احساسك بيه
فيها ايه لو تقول وتبوح
ده حتى الكلام له عطر يفوح
ينعش سنين العمر
ويؤمرك ميت الف امر
وفى قلب اللى حبك يخبيك
برمش عيونه يغطيك
بس جرب كدا تقول هتلاقى الدنيا على طول
اتلونت بالوان الطيف
والشتا جه مكانه الصيف
وجبال الثلج تدوب وفى عيونك دول يادوب
اكتب اسمى وعنوانى
والقى فيهم مكانى
وانسى زمانى


مذكرات ثائرة

سألت فى يوم انسان غلبان يعنى ايه حقوق انسان ؟
قالى بصوت مبحوح شرقان
لما يكون الانسان عايش فى وطن مش جبان
وفى كل حته فى بلده بيتهان
و ولى امره معصوم العين وحاطط يده على الودان
فاكر ان فيه عدل ونظام وامان
يدور فين حقوق الانسان





شاب قاعد على الرصيف بشهادة ميلاده وحيران
كان نفسه تحسى بيه ويلاقى فى حضنك مكان
لما ناديتى عليه لبى الندا قوام
وخدم الوطن باخلاص واهتمام
ولما خرج من الخدمه مالقاش فيكى خرم ابرة عشان ينام
بقى بالذمه ده انسان




والا شاب اتاخد فى الرجلين مع الواقفين
لا عمره هتف ولا حدف وقال انا مين
ماشى فى حاله وفى لحظه عين
جوة السجن بينضرب بشكل مهين
مين يسمع صوته اللى اتنبح
ومين يقوله انت فين
بقى ده انسان؟
ولا تليق عليه كلمة متهان؟
فين بقى حقوق الانسان

مش كدا وبس بكرة نكمل كام حق لانسان منسى
نسلط عليه الضوء عشان يظهر ويبان
منى سامى غير متواجد حالياً