عرض مشاركة واحدة
01-09-2014, 08:55 AM   #463
منى سامى
مراقب عام
Crown5
 
تاريخ التسجيل: Oct 2007
الدولة: عيد ميلادك احلى عيد
المشاركات: 15,426

مذكرات ثائرة



اول مطلب كتبته على كفى
ونزلت ورفعت الاعلام على كتفى
لمالقيت شاب فقير متخفى
بيحرق ويولع ويخرب بايديه بلده
سألته انت مين وليه بتعمل كل دا
قالى كنتى فين ؟؟
كنتى فين وانا نايم تحت الكوبرى وبيه متغطى
وفى عز البرد بموت وماليش غير ربى
مش انا فلذة كبدك يا وطنى
اتعلمت السرقة والخطف عشان اسكت وجع بطنى
ياما نمت الليل على الارض
وانا واخد رصيف الشارع فى حضنى




كنتو فين وليه سبتونى كدا مرمى
ماعرفشى يعنى ايه وطن
وطنى الوحيد نفسى
فى يوم ناس قالولى تعالى وخد قرشين
واحرق مجمعك العلمى
والفلوس هى الامل والمنى على حد علمى
عشان كدا جريت مع اللى بيجرو
فى الايد دى بنزين والتانيه عود كبريت
ورميت زى ما اترميت
وحرقت زى ما اتحرقت احلامى
علم وقيمه كبيرة





انا باختصار صنع ايد نظام فاسد
سابنى من الفقر والجهل اعانى
لما بقيت زى دود الارض بنهش فى لحم الوطن

يبقى لازم نقضى على الجهل والفقر
ومش عوزين تانى اطفال شوارع
متهئلى مطلب بسيط
نصون كرامه الانسان ومانسبهوش يتهان
مانزرعشى فينا اللى بايده يقضى علينا
نادو معايا وقولو لا للجهل والفقر
منى سامى غير متواجد حالياً