عرض مشاركة واحدة
10-05-2013, 02:51 PM   #1
هند
مراقب عام
Crown5
 
تاريخ التسجيل: Sep 2007
الدولة: مصر - المنوفية
المشاركات: 10,714
مذكرات قيس بعد زواج ليلى

basmala

مقال للفنانه متعدده المواهب اسعاد يونس
قرأته فى احدى المجلات عجبنى وحبيت اضحكوا معايا
هنقله ليكم على حلقات مع بعض التغييرات البسيطه
لاختصاره قليلا و اول تغيير هو العنوان فلا اذكر العنوان الحقيقى للمقال

و للتذكير ابطال القصه هم

ليلى العامريه حبيبه قيس
قيس بن الملوح مجنون ليلى
ورد بن محمد العُقيلي الذى تزوج ليلى

تابعوا معى

مذكرات قيس بعد زواج ليلى


انتهت القصه الحزينه بزواج ليلى العامريه من ورد
وسار المعذب الولهان قيس بن الملوح تائه ضائع شريد فى الصحراء
بعد ان حكم عليه احمد شوقى بالجنون
وتوته توته فرغت الحدوته
ولكن هل انتهت الحدوته عند هذا الحد؟

مرت السنون وتغيرت الامور
وفى وسط الصحراء نصبت مجموعة خيام بيضاء
تحمل لافته مستشفى البوادى للامراض العصبيه
وفى الخيمه رقم 3 ازاح لؤى الستاره من على باب الخيمه
فوجد قيس ممددا بملابسه الاعرابيه البيضاء
على الشيزلونج يتأمل سقف الخيمه
نظر له قيس فى خوف وقال:
ان كنت فاكر انك هتضحك عليا تانى وتقولى
تعالى اوريك العصفوره وتجرجرنى على اوضه الكهربا
لا كان غيرك اشطر الصحرا مفيهاش عصافير
وبذكاوة اهلك لو فيه عصفوره هتحط على ايه
والصحرا مفيهاش شجر يا حدق

انبهر لؤى بذكاء ولوذعيه قيس وقال له:
لا انا جاى ابلغك خبر سعيد

قيس بفرحه: ايه الشيكولاته الكادبورى وصلت المصحه؟

لؤى: لا اللجنه الطبيه اجتمعت وقررت انك خفيت
فاضل فحص خفيف وانترفيو ويأشرولك على سركى الخروج


خرج لؤى من الخيمه
و
ترك قيس فى حالة ذهول


كيف سيكون الانترفيو
وهل سينجح قيس فى الخروج من المستشفى

فى الحلقه القادمه
__________________

signature

هند غير متواجد حالياً