عرض مشاركة واحدة
09-25-2013, 07:20 PM   #7
SaMaR_ BakR
شريك محترف
stars-2-8
 
تاريخ التسجيل: Nov 2007
الدولة: cairo
المشاركات: 3,482

هنودة
شوفي يا قمر
موضوع أن مدرس يشغل دماغه ويدور إزاى
يفيد تلامذته ..انا لاحظته
لكن مع مدرسين ومدرسات لسه متخرجين
بيكونوا لسه غيرمحبطين من نظام التعليم في مصر
وعندهم أمل يدوا كل اللى عندهم
وغالبا كان في منهم بيجولى يسألو ممكن نعمل الوسيلة التعليميه
عن الدرس الفلانى ده أزاى
طبعا التعاون في مجال التعليم مهم جدا جدا

لكن مدرس التربية الفنية بيكون مطلوب منه
تحضير
وحضور حصص
وحصص احتياطى
ونشاط فنى يومي
واشراف أسبوعي وإشراف دور يومي
ومسابقات
زى اللى شفتى نتايجها كده في موضوع استاذ محمد

مش هايقدر ,, مش هيلاحق يتعاون مع كل مدرسات المواد الدراسية الأخرى
لو قدر هايبقى المقربين منه جدا
ومش كل يوم


لكن ,, في أمل
شوفي في مناهج في كليات التربية
خاصه بعمل الوسائل التليعيمه بطريقه فنيه
واللى بيدرس المناهج دى في كليات التربية
دكاترة متخصصين في الفن
يعنى المفروض المدرس
مدرس اى مادة دراسية مش التربية الفنية
يتخرج من الكلية وقبل ما يتعين بيعرف ازاى
يعمل وسيله تعليميه ,, بشكل جاذب ومبتكر
لكن ببساطه ,, ما بينفذوش إلا من رحم ربي

وبعد شوية اللى كان بيشتغل وبيعمل وسائل بينام
وبيحبط من متاعب الوظيفة الكتيــــــــــــــــــــرة
ومش مجال نتكلم فبها

لكن النتيجة اللى أنا لمستها خلال عملى
في مدرسات ,, ربنا يباركلهم
لآخر يوم بيشرحوا دروس
وبيحضروا صور ووسائل
وبيحاولوا يربطوا دروسهم بوسائل تكنولوجيه وعروض تقدميه

المدرسين اللى مش بيعملوا وسائل تعليميه
بيعرفوا لكن ,,, عاوزين زقه
او عقاب أزاى ؟

التقارير اللى المدرسين بياخدوها بتبعيه درجة السنة اللى قبلها والسنة اللى قبلها
تبقى على تقييم المدرس في الفصل ومع الطلبة
ودفتر تحضيره
ووسائله التعليميه
والفرق اللى حصل في فكر الطالب من بعد ما المدرس ده درس للطلبه

ويبقى في حافز أن المدرس دايما يدى أحسن اللى عنده
ومش لازم يبقى حافز مادى خالص
ممكن يبقى حفل تكريم في آخر العام الدراسي
ممكن يبقى النقل لمدرسه افضل
ممكن يبقى اى حاجه
ندور على حافز مبتكر زى شهاده الأيزو كده
نعملها للمدرس اللى في منه أمل
لما تبقى معاه يبقاله طريقه معامله مختلفه عن الآخرين
تتسحب منه لو نشاطه أقل
تاخد نجمه لو نشاطه زاد
يعنى بصى اديني بحلم معاكى
لأن كل ده أحلام فعلا


لكن زى ما فهمت من سؤالك ليه ما نحولش
حصة التربية الفنية لحصه
يتعلم فيها الطالب يعمل وسائل تعليميه لمواد دراسية أخرى
لكن بطريقه فنية مبتكرة
يتعمل فيها الفن ويفيد نفسه في مواد أخرى
دى لازملها تغيير منهج
ودى يسأل فيها أستاذ محمد
هو أقدر منى على توصيل معاناة المهتمين بمادة التربية الفنية
ورغبتهم الملحة في تغيير المنهج
دون جدوى
فكرة تنظيم المنهج ليتكامل
منهج التربية الفنية مع المناهج الأخرى
محتاجه حد بيفهم ,, مع احترامى للجميع
يكون بأيده ,,, تغيير وتعديل المنهج
ولو أن في المدارس الخاصه واللغات والدولية
بتطبق الفكر ده
وده مهم جدا جدا في بناء عقليه الطالب

بالنسبه لموضوع تعليم الرسم
هارد عليكي فيه بكره
ههههههههههههه
علشان ما تزهقيش منى
او يكون استاذ محمد رد
وطبعا في رده الإكتفاء أن شاءلله


على فكرة قولى للقمر كريم
طنط سمر شافتك
وانبسطت أوى علشان كان نفسها تشوف العسل
اللى بيعملنا موضوعات تحفة وجميلة
__________________

signature

SaMaR_ BakR غير متواجد حالياً