عرض مشاركة واحدة
01-10-2008, 07:35 AM   #1
فنانه بالفطره
عضو في انتظار التفعيل البريدي
 
تاريخ التسجيل: Dec 2007
الدولة: الايميل المسجل غير مستخدم
المشاركات: 171
جديد بوح القصيد عنا ليله

basmala

جديد بوح القصيد

{عنا ليله}

سريت بهاجسي بين الهموم وخاطر امكدر
وطاحت عبرة شموخي وصاحت يا عنا الليلة
تذكرت الذي ينعي جروحه في زمان اغبر
قريتك يا ملف الروح وكيف الروح تشكي له
قريت اللي على ذيك المحاجر همها تسطر
قريته وانكتب في دفتري اجمل مواويله
قريته واحترق ..حتى الغضا من حرها جمر
وضاع بها الأمل فجأة يردد لا منادي له
سوالف كلها ريح ومرايا والحروف اقصر
تناثر حبرها بين الرموش واحتار منديله
سواليف الزمان وضحكة الرمان للمرمر
وحر القيظ ورمال النفوذ .وطعس ومخيله
تنادت كلها بلحظة في ليلة حظه الأقشر
وقامت تنتخي كل الهموم وتزيد بالكيله
وصار الهم فوق لهم مثل طويق بل اكثر
وليل الوجد يرزم لوعته ويون من حيله
وفجأة عزتي نادت شموخ الكيف وتفجر
وقامت تندبه كل الجوارح طاالت الليلة؟
وساق المزن غيثة وارتوى بستانها واثمر
حروفك يا زمان الصمت وآهاتك تراتيله
وعزفك في حنايا ليلتي.. وخدودي الدفتر
وحبرك صار مالح دمعتي والجفن يا ويله
وقلت الليله الليله يا مقسى ليلها واخطر
تضاريس الزمان اللي نساه المزن من سيله
وصارت ليلة البارح هموم وجرحها يكبر
وصارت عبرتي تسأل شموخي عن عنا ليله
وسلامتكم
فنانه بالفطره غير متواجد حالياً