عرض مشاركة واحدة
08-04-2013, 08:48 PM   #105
هند
مراقب عام
Crown5
 
تاريخ التسجيل: Sep 2007
الدولة: مصر - المنوفية
المشاركات: 10,714

مساء الخير على كل اهل ورد الحلوين
متجمعين فى خيمه منمن منورين
احييك اولا حبيبتى على فقراتك الجميله
المختاره بعنايه وجهد
ومتألقه كل ليله
جزاك الله خيرا

واشكر شقراء الجزائر على مشاركتنا ذكرياتها الليله الماضيه
وان كانت بعض الكلمات صعبه قوى و محتاجه ترجمه
او دروس فى اللهجه الجزائريه ههههههههههههه

وثانيا اشكرك على استضافتى
لاتذكر معكم اجمل ايام رمضان

رمضان طفولتى جميل
قبل رمضان بكام يوم يتلم الاولاد والبنات
فى الشارع ونعمل زينه رمضان
من كراسات وكتب المدرسه القديمه
والامهات تسوى لنا شويه نشا عشان نلزق بيه الزينه
بدل الصمغ يعنى
البنات تقص الورق غالبا دى كانت شغلتى
والصغيرين يلزقوا الورق على الخيط
والاولاد الكبار يعلقوا الزينه
كنا نتفنن فى عمل اشكال مختلفه من الزينه
المربع والمستطيل وعلى شكل كف اليد والشراشيب و السلاسل
لكن ما نعملش عدد كبير من الافرع
وكان شارعنا اول شارع تتقطع الزينه بتاعته هههههههههههههه




مع ان الشوارع اللى حوالينا كانت بتعمل زينه
تغطى الشارع بالكامل لكن بشكل
واحد هو الشراشيب وكانت زينتهم تفضل طول رمضان
وكان فى الشارع ورشه نجاره تعمل فانوس عباره عن هيكل خشب
وتغطيه بورق السولوفان الملون
اما الشوارع اللى جنبنا كانو يعملوا فانوس كبير
على شكل جامع
طبعا نشترى الفوانيس الزجاج
ولو كان الفانوس بباب يبقى ياسلام احلى حاجه
والراجل بتاع الفوانيس كان اسمه غريب جدا
بس لانى عارفاه من صغرى ما انتبهتش لغرابه الاسم
لحد ما حد من اصحابى لفت نظرى
الراجل كان اسمه نجرو




ولانى كنت اسكن فى الشارع الرئيسى فى المدينه
فكان فيه كل حاجه محلات الكنافه والقطايف والياميش






والبياعين المتجولين للعرقسوس والتمر هندى
وعربيات الطرشى
تظهر من العصر فى الشارع كنت احب الخروج
فى هذا الميعاد عشان اتفرج تفرج عليها
تحس انه مهرجان الالوان بتاع الهند




قبل الفطار بشويه كنا نقف فى البلكونات وننادى على بعض
انا هنزل بعد الفوازير لا
انا هنزل بعد بوجى وطمطم ههههههه




وقت الفطار
نسمع المدفع والادان بصوت الشيخ محمد رفعت
ونفطر
و لان اهلى فى القاهره
فغالبا مكنش عندنا عزومات لا عازميين ولا معزومين
انا وبابا وماما واحيانا بنت عمتى وبس

كمان طول رمضان نقاطع الطبيخ و السمك
لكن ناكل
كفته بفتيك كباب حله فراخ مكرونه بشاميل وهكذا
ولما نزهق يبقى فول

بعد الفطارننزل نلعب بالفوانيس

وفى نص رمضان نبدا نعمل الكحك
عشان نفضى لتنضيف البيت لان امى
بتنضف كل شئ فى البيت حتى الحيطان والشبابيك تغسلها
(يتهد حيلنا يعنى علقه كل عيد ههههههه)

وقرب اخر رمضان نشترى لبس العيد
لكل يوم طقم بيت وطقم خروج بعدد ايام العيد
طفله وحيده بقى محدش يحسدنى هههههههههههه

ويجرى رمضان ويخلص قوام
وعنينا تدمع لما نسمع اغنيه
تم البدر بدرى والايام بتجرى
والله لسه بدرى والله
يا شهر الصيام

والان الديك صاح وهسكت عن الكلام المباح
لانى خلصت كل الذكريات
يارب اكون ضيفه خفيفه على قلوبكم
وكل سنه وانتم طيبين
__________________

signature

هند غير متواجد حالياً