عرض مشاركة واحدة
06-16-2013, 06:43 AM   #5
زهرة الكاميليا
شريك استاذ
stars-2-7
 
تاريخ التسجيل: Jun 2007
الدولة: مصر - اسكندريه
المشاركات: 2,663



تعبتي يا مصر؟ أغطيكي؟
تنامي شوية ترتاحي وقبل الفجر اصحيكي؟

تعبتي يا مصر اشيل عنِّك؟
أداوي حمارتك العرجا وامص السم من بدنك؟

تعبتي يا مصر اقوم انزل؟
أجيب الساهي من قصره يبوس رجلك ويتذلل؟

تعبتي يا مصر؟! ما تقولي!
ما تنطقي ولّا لساكي هتصبري لجل ما تنولي!

تعبتي يا مصر افضها سيرة واَسلاكي؟
دوشتك بالهتاف ارجع أقولها ف سري بهواكي؟

تعبتي يا مصر؟
أنا راخر تعبت يا بلدي ع الآخر
هتنطقي رهن انا طوعك
هتسكتى .. والله لا مهاجر

أهاجر فين!
وبلد ايه دي اللي ترضى بكل كراكيبي؟
قصص عمري وحواديتي هفوتها لمين؟
وأنهو مطار يعدّيني .. إذا هرّبتها فجيبي؟

أساور جدتي التَّعبان ..
مين لبساها في سويسرا عشان المحها واتشحتف؟
حكاوي حينا الونسان ..
وصوت زفة بنات شبرا.. فين هسمعها واتكيف؟
واهاجر كيف وانا يا مصر متكتف؟
قوليلي يا مصر عيزاني أهاجر ولّا اقوم اهتف؟

الشاعرة البورسعيدية
مروة مأمون

الغاليين
هالة
جمال الحسينى
هند
تشرفت أحبائي بمروركم الغالى
ونبض قلب مصر فى كلماتكم
مصر تتعافى بإذن الله مما ألم بها
ولن يهاجر أولادها ..لن يتركوا نيلها وأرضها المباركة
أولادك يا مصر أوفياء
ومعك حتى تمر رياح الخماسين العابرة

المثال
محمود مختار




وإن غدا لناظره لقريب
والغد عنوانه الأول والأخير.. مصر !
زهرة الكاميليا غير متواجد حالياً