عرض مشاركة واحدة
06-03-2013, 11:25 AM   #3
SaMaR_ BakR
شريك محترف
stars-2-8
 
تاريخ التسجيل: Nov 2007
الدولة: cairo
المشاركات: 3,482

الحقيقة أنا ليا تجربة في أرتياد المساجد

تحت بيتنا في بورسعيد
في زاوية صغيرة
لكن كان الصلاه فيها يوم الجمعة
حدث مهم جدا جدا

كان بابا وأخواتى الولاد ينزلوا كل جمعة يصلوا
وأفضل أبص عليهم من البلكونة
وأدعى انهم يبقوا من ضمن الصفين اللى بيبانو من البلكونة

وأفضل أفكر أشمعنى انا ما بنزلش
وأعيط وأزن

المهم بعد زمن طويل واسابيع طويلة
وافقوا أنى أنزل أصلى معاهم
بس ألبس زى الولاد
فلبست سالوبت
وطقية بودان كده غطت شعرى خالص
ومثلت أن كل جيرانا اللى بيصلو جنب بابا
وعارفين شكلى كويس
وعارفين بابا وكل ولاده
تخيلت انهم فكروني ولد
وصليت معاهم

بعد ما سمعت شوية تعليمات كتير من ماما وبابا قبل ما أنزل

ما ينفعش نعمل دوشة
ما ينفعش نلعب ده مسجد
لازم نقعد مؤدبين
ونسمع الإمام كويس
وزى ما بيصلى نصلى وراه
وما نسبقوش
وما نلعبش في الحصيرة

ده اللى أنا فاكراه
بس نفذت
وحافظت لفترة طويلة أنى أنزل معاه

لغاية ما بابا قالى طيب تعالى بقه معايا الجامع الكبير
روحى صلى في مصلى السيدات وانا هاستناكى بعد الصلاه
وممكن تلبسى عباية وطرحة
مش لازم لبس ولاد
ورحت صليت في مصلى السيدات في الجامع الكبير

الجميل أن لما كبرت
فضل قلبي متعلق أنى أروح المسجد
ومن مسجد لمسجد ,,, رحت مسجد التوفيقي في تراويح رمضان
ولازمته ,, لدرجة أنى تمكنت انى اعتكف مع أمى فيه أكتر من سنة

أحساس رائع
أن بيت ربنا سبحانه وتعالى يحتوينا
ويحوى صلواتنا وعبادتنا
دعائنا وقراءتنا للقرءان

الموضوع فعلا مهم لكل أم
عاوزة تعرف ازاى تربي أبنها او بنتها على ارتياد المساجد
وتعلق القلب بيها ده شئ مفيد جدا
بينقى النفس ويطهرها
ودايما بتحس أن لك بيت طاهر نقي
تلجأله 5 مرات في اليوم

شكرا فتونه القمر على موضوعك
اللى أنا شخصيا استفدت منه
وان شاءلله آخد ولادى في رحله
أعرفهم فيها على مساجد أثرت فيها
طول سنين عمري


__________________

signature

SaMaR_ BakR غير متواجد حالياً