عرض مشاركة واحدة
05-12-2008, 10:14 PM   #2
سيد الرسام
شريك ذهبي
stars-1-6
 
تاريخ التسجيل: Oct 2007
الدولة: مصر - الجيزه
المشاركات: 491

السلام عليكم ورحمة الله
اختى الكريمة

الموضوع سهل جدا وليس بة اى صعوبة
شرح مبسط نظرى والعملى قريبا ان شاء الله
من البداية وهى المهمة جدا وهى
اعداد او تجهيز السطح او الحائط الجدارى
الذى سوف يتم الرسم علية
1- اذاكان السطح جديد لسة محارة او لياسة
تتم عدة مراحل حتى يكون جاهز للرسم
فما هى يااااا ترى ما تستعجلش عليا ...
2-اعطاء السطح سكينة معجون اى معجون
المعجون يوجد منة انواع كثيرة
النوع المطلوب وهو معجون بلدى
يعنى اية بلدى اصبر علية
3-خامات المعجون البلدى هى
(زيت مغلى بذرة الكتان+غرة حمص +اسبداج+زنك)
تخلط المقادير بنسب طبعا يعنى الغراء زيادة فى السكينة الاولى
وقليلة فى السكينة التانية مع اضافة قليل من الماء
اذا كانت الغراء شديدة
4-بعد ذلك سنفرة السطح من المعجون الزيادة
تجرى بعد ذلك دهان السطح من الخامات الاتية
(زيت +زنك +ابيض لاكية مط +نفط او تربنتين)
ويترك يومين ليجف تماما
5- دهان السطح مرة اخرى من نفس الخامات
لا طبعا لماذا
الخامات التى ذكرتها تسمى بالبطانة بعد المعجون
لكى يتشبع المعجون
اما المرحلة الثانية يستخدم فيها لاكية المط +لاكي لاميع
وتسمى نصف لاكية مع زيادة الاكية امتر من لاكية المط
لاعطاء لمعة بسيطة
يعنى با ختصار
(ثلاث اربع لاكية لاميع + ربع لاكية مط)
ويدهن السطح برولة
ويترك السطح ليجف اربعة ايام على الاقل
ويكون السطح جاهز للرسم
فى حاجة عايز اقولها
تفضل
بالنسبة لون السطح يفضل ابيض او بيج او اى لون اخر
والله انا رسمت على جميع الاسطح بجميع الالوان
ولكن الافضل هو
(((الابيض)))

الخامات المستخدمة والموجودة فى الاسواق كثيرة
وطبعا هيكون كلامنا عن نوعين فقط والمستخدم
الالوان المائية
الالوان الزيتية

الالوان المائية فتخفف بالماء وتستخدم فى الرسم على الورق او الجداريات مثل
الالوان البلاستيكية والاكريلك والجواش وغيرها
اما الالوان الزيتية التى تخفف بزيت الرسم مع التربنتين ويكون استخدامها
على الخشب او التوال القماش الجاهز للرسم والجداريات
والالوان الزيتية المعروفة وتباع فى انابيب والجاهزة فى
المكتبات
ويوجد منها البودرة وتستخدم بكثرة لانها توفر عن الانا بيب
وتعطى نتيجة رائعة
وانت ياشيخ استخدامك لاى نوع
والله انا مركز على نوع من الاكيهات المط وهى المفضلة عندى فى الرسم
ربما غيرى من الرسامين يستخدمون خامات اخرى
وطبعا دة يرجع حسب راحة كل واحد فى تعاملة مع الخامة
اليكم هذة الصورة وبها خاماتى التى استخدمها
وادواتى البسيطة التى ارسم بها
جدارياتى التى تشاهدونها

صورة

هذة المعلومات هى اجتهاد من عندى
ويوجد من هو افضل منى
لانى مازلت اتعلم حتى الان
سامحونى لو فى اى تقصير
وان شاء الله فى المرات القادمة سوف يتم هذا الكلام
عملى بالصور
ولاكن على فترات
وذلك لظروف عملى
سيد الرسام غير متواجد حالياً