عرض مشاركة واحدة
04-03-2013, 03:42 AM   #20
SaMaR_ BakR
شريك محترف
stars-2-8
 
تاريخ التسجيل: Nov 2007
الدولة: cairo
المشاركات: 3,482

السلام عليكم أهل ورد الكرام
عاوزة أقولكم سر خطير عن أجتماعنا في open day

احلى حاجة كانت في اليوم الجميل ده كانت أن كل العارضين بيجمعهم اهتمام واحد
هو الفن والأشغال الفنية على إختلافها وتنوعها
طبعا فكرة اننا نتقابل في يوم فني كانت ساحرة
إلا أن لفت أنتباهي ,, الأحاديث اللى كانت بتدور بينا ,, كلها عن الفن
كل اللى عاوز يسأل عن تقنية أو طريقة عمل أى حاجه معروضة
بيلاقي رد قوى جدا
أتعلمنا من بعض ,, وسعدنا جدا جدا وأحنا مع بعض

من خلال المشاركة دي أحب جدا أوجهه الشكر لمنى سامي على :
أولا : نظمت الموضوع وكان فكرتها من البداية للنهاية
ثانيا : تعبها في انها تنظم المكان وتوفرلنا سبل الراحة
ثالثا : وده المهم جدا هههههههههههههه
الدوناتس الروعة اللى عزمتنا عليه
ههههههههههههههههه
ازاى ماتجيبوش سيرته ,, ده أنا كلته رغم الريجيم
بس بصراحة شكله وطعمة لا يقاوم
ومختلف تماما تماما عن اللى انا عملته
هههههههههههههههه
فرق الأستاذ والتلميذ كده
ههههههه

أحب كمان من خلال المشاركة دى,, أقولكم على أكتشافاتي
أولا: لولو شخصية حساسة جدا جدا جدا ,, وانا قاعدة جنبها كده
سمعتنى كلام أغنية أنا حافظاها ,, لعلى الحجار ,, لكن حسيتها مختلفة منها
طريقة ألقائها للكلام ,, حتى من غير لحن يحسسك بالسعادة
حديثها لا تمل منه أبدا,, تبقى عاوز تسكت علشان تسترسل وتكمل كلامها ,,,
أكسسواراتها ,, شجرتها الحمراء الساحرة جميلة جدا جدا

ثانيا : نانو القمر ,,, لوحاتها الديكوباج رائعة في الصور
لكن في الحقيقة أروع مرات عديدة
في لوحة ,,, منظر طبيعي وسلم كده
أكيد أتعرضت في المنتدى قبل كده
لكن دي في الحقيقة
تلوح هههههههههههههههههههه
معروضتها متنوعة
والجميل جدا جدا أختيارها لألوانها المبهجة النابضة بالحياه حتى في لبسها

ثالثا ,, الشخصية الجميلة منى زيدان
اللى لازم تنضم لأسرة ورد
اهتمامها بالفن جميل ومتنوع ومثقف في نفس الوقت
بتحاول تطور من فنها ولما أى حد بيسألها عن حاجه ,, بتجاوب بإستفاضة
علشان كده ,, أنا بدعوها تنضم لورد ,, هاتحس أنها في بيتها


رابعا :منمن ,,, مستقبلة ودودة جدا جدا
أنا واثقة أنها تعرف أزاى تسعد ضيوفها ,, ومنظمة جيدة جدا لحفلات ولقاءات
بشوشة وضحتكتها مالية وشها
ومش هاتكلم عن معروضاتها ,,, وحدات ديكورية تحفة

خامسا: منتجات الخشب اللى كانت في العرض
فعلا تتوارثها الأجيال ,,, تحفة وتقفيلها نضيف وخشبها ممتاز

كان معكم مراسلتكم سمر من ال OPEN DAY
ههههههههههههههههههههههههه

__________________

signature

SaMaR_ BakR غير متواجد حالياً