عرض مشاركة واحدة
04-02-2013, 10:25 AM   #6
منى سامى
مراقب عام
Crown5
 
تاريخ التسجيل: Oct 2007
الدولة: عيد ميلادك احلى عيد
المشاركات: 15,421

مبدعه الجميلة نورتى موضوعى وشجعتينى ياقمر
هنوده الحلوة انا كنت ام عريس بس بصراحة تعبت مع العروسة اكتير
العريس يادوب نزلت معاه فى ملابسه فقط
اما الاثاث كان هو وابوه مع بعض
لانهم بيفهمو فى الخشب كويس قوى
ربنا يخليلك كيمو وهو يجيبلك احلى عرايس

وفعلا اللى قلتيه صح بخصوص تجهيز العروسه
اللى من القرى ومن الاحياء الشعبية
هحكيلك قصة بس بعد ما ارحب بابو احلى عروسه

اخى السويدى
هم كدا اهل ورد بيقرأو افكار بعض هههههه
ما تخفشى فى حاجات كتير على ابو العروسة
بصراحة الله يكون فى عونه هو بيعمل اهم حاجة الدفع هههههههه
اما بخصوص مين عليه ايه
ده على حسب كل منطقة وبلد
يعنى فى بيتى لقيت ابو العريس وابو العروسه
بيقولو كلمه واحدة هم الاتنين
اللى ماتقدروش عليه نجيبه احنا يعنى الحمد لله مافيش تعقيد
لكن فى اماكن اخرى الاتفاق بيكون لحد الشوك والملاعق على مين
وتتكتب فى قائمه ويمضى عليها العريس
لكن انسب حاجة سمعتها بس للاسف مانفذتهاش ان يكون الجهاز بالمناصفه تماما
يشوفو كل حاجة اتجابت بكام ويبقى العريس النص والعروسه النص
وبرضو ارجع واقول يا جماعه اهم حاجة اننا نكون فى المعقول لا مغالاة
والرضا اهم شئ عشان ربنا يتمم بخير

هحكيلكم حكايه صغيرة
كنت بشترى مناشف من مكان
كنت اول مرة انزل اجهز
ووجدت ام عروسة بتشترى معايا سألتها
هو المفروض اشترى كام فوطه او منشفه
ردت بكل ثقة وكانه قانون لا يمكن مخالفته
قالتلى انا جبت لبنتى 36 فوطه و12 بشكير
ده غير البرنس وفوط الايد وكمان فوط المطبخ
قلتلها ليه 36 مش 35 فوطه
قالتلى لا هم كدا 36 فوطه
وبدأت تسرد لى هى اشترت ايه لبنتها
48 طقم مفارش سرير و4 مراتب و6 بطاطين و6 اللحفة فيبر
ده غير مفرش العروسه الساتان وكذا وكذا وكذ---
بصراحة كنت فى ذهول من الاعداد اللى بتتقال
قلتلها ليه كل ده مش هى غرفة نوم واحدة وغرفة اطفال ليه ده كله
اجابت بان ده المتعارف عليه عندهم
بصراحة ما عجبنيش الكلام
وابتديت اشترى المعقول

بحكى لكم الحكاية عشان استغربت جدا من هذه السيدة
التى يتضح عليها انها ليست ميسورة الحال
وبالرغم من ذلك تتمسك بالعرف بهذه الاعداد الكبيرة
انا من رأى يا احلى ام عروسه انك تشترى فى المعقول
لانها مش مباراة تباهى مين جاب جهاز اكتر من التانى

تعالو معايا وسيبكم من الكلام اللى فات

يكفى بطانيتين ولحافين و12 طقم مفارش سرير
ومفرش العروسه---انا بنتى ما حبتشى تشترى مفرش عروسه
فضلت تجيب مفرش ساتان ساده تركى
سوف اعرض عليك صور للمفروشات
وكمان هعرفك ازاى بدل ماتشترى 12 طقم مفرش سرير
تتعلمى تفصليهم بنفسل ومعاهم اللحاف الفيبر كمان

دلوقتى هعرض عليك احدث موديلات المفارش
طقم 2 ملايه سرير و2 خداديه ولحاف فيبر
اللحاف لوحده ب600 جنيه مصرى من ستى ستارز
المودرن الساده









منى سامى غير متواجد حالياً