عرض مشاركة واحدة
03-03-2013, 08:59 PM   #22
SaMaR_ BakR
شريك محترف
stars-2-8
 
تاريخ التسجيل: Nov 2007
الدولة: cairo
المشاركات: 3,482

هل هناك ثقة عمياء؟
وهل هناك من يستحق الثقة العمياء؟
وهل نلوم الخائن أم نلوم أنفسنا على حسن الظن؟
كيف لنا أن نعرف من هم الاشخاص الذين يستحقون ثقتنا بهم قبل إختبارهم بموقف
منمن موضوعك شغل بالى جدا
ولاقيتي عاوزة أدردش معاكي فيه
لكن أنا هارد عليه من وجهه نظري
واعرفش مدى علمية الكلام ده
لكن ...
انا ماعتقدش ان في حاجه أسمها ثقة عمياء
في درجات متعددة من الثقة اه ,, لكن ثقة عمياء لأ
ثم ثقة في شخص معين في أيه بالظبط ؟؟

يعنى اثق أن الشخص ده هايتصرف في موضوع ما صح
أثق أن الشخص ده مش هايخوني
أثق أن الشخص ده قادر على مساعدتي
أثق أن الشخص ده مش هايفشي سر أئتمنته عليه

مجالات الثقة كتير أوى
ومافيش أنسان كامل , يعنى ممكن يبقى شخص ما ثقة في مجال معين
لكن مش ثقة في مجال آخر
وممكن يبقى شخص ثقه في مجال معين في وقت معين لكن ,, يخون الثقة في نفس المجال لكن في وقت مختلف أو تحت ظروف معينة.


مثال شخص لا يمكن يخون ثقة مراته في المجال العاطفي
لكن ممكن يخون ثقتها في المجال الإجتماعى
بمعنى أنه مش هايخونها عاطفيا ,, لكن مابيعرفش يقابل أصحابها بشكل مرضي ليها ,, فالنتيجة انها واثقة فيه كزوج لكن خان ثقتها في الترحيب بأصحابها وقرايبها

السؤال التانى ,, لو افترضت ان في شئ اسمه ثقة عمياء
الإجابة لأ .. ماحدش يستاهل تثق فيه وانت مغمض عنيك
لأن الأولى ان تثق بنفسك الثقة العمياء ,, وهو في الواقع ما بيحصلش
لو سألت أكتر حد دحاح مذاكرة في الدنيا وهو داخل امتحان .. ايه واثق من نفسك ؟؟
هايقول أى نسبة لكن اقل من 100 %
يعنى ما بيثقش في نفسه ثقة عمياء رغم معرفته بقدراته العاليه جدا.

السؤال الثالث
نلوم الخائن ولا انفسنا ؟؟
الأتنين ..
الواقع ان ده اللى هايحصل بالتتابع
يعنى هاتلومى الخائن الأول في ثورة الغضب
وبعد تفكير هاتلومي نفسك
وبعد تفكير اكتر ,, هاتكتشف ان كان في حاجات قدام عنيكي تقولى ان الخاين ده هو اللى غلط .
وبعد شوية هاتكتشفي غلطات لنفسك تقول انك تتحملى جانب كبير من الخطأ اللى حصل
النتيجة : لومك لنفسك هايكون اكتر لأن في كل الحالات هايبقى انت اللى اخترتى الشخص ، وانت اللى غمضتى عنيكي عنه كتير جدا لغايه لما وصل لدرجة الخيانة.

لكن ,,, ارجع وأقول ان في درجات من الثقة
وفي اشخاص في المجمل حسنى التصرف
دول اللى يستاهلوا ان تثقى فيهم بشكل قوى جدا وانت عارفه انه شخص هايحسن التصرف في مجالات كتير ومش خاين بطبيعته.
ده اللى هاتشعري انك لو في مشكلة ,, اى كان نوعها انك واثقة انه هايعرف يكاتفك، هايحسن التصرف مش هايخيب ظنك فيه

السؤال الأخير
تعرفي ازاى الشخص الجدير بالثقة ؟
استفتى قلبك
مش هاقولك نختبره ,,, مش منطقي
لكن قلبك يدلك
وعقلك يسانده
ومن غير ماتشغلى بالك باختبارات
الخاين مهما دارى بيبان ,,,,


طولت عليكى ,, بس الموضوع حلو


__________________

signature

SaMaR_ BakR غير متواجد حالياً