عرض مشاركة واحدة
02-14-2013, 03:53 PM   #351
RaMy.NoUr
شريك فضي
stars-1-6
 
تاريخ التسجيل: Dec 2010
الدولة: مصر
المشاركات: 258

والان ادعو ضيف غالى علينا ليجلس على كرسى الاعتراف
مابين سؤال وسؤال يقدم نفسه لينا اكتر
نتعرف عليه ونحتفظ بصورته فى البوم منتدانا
وضيفى اليوم شاب فنان الفن عنوان موضوعاته
على ورق الباردى او على الجدران تلاقى لمساته
وبعد طول غياب عن منتداه رجع ومعاه لوحاته الرقمية
وعشان احنا حبيناه بكل الود قابلناه

شكرا على التقديمة الجميلة دى
ابنى الغالى رامى نور


س1- عرفنا ببطاقتك الشخصية
الاسم رامى نور الدين رضوان

السن 27 سنة فى 25/3 مستنى بقى التورتة

الحالة الاجتماعية اعزب

مقر الاقامه الزقازيق / محافظة الشرقية / مصر طبعا


س2- احكى لنا رحلتك مع الفن وكيف تعلمته واصبح مهنتك؟
اللى حببنى فى الرسم مدرستى فى الابتدائى بس لازم يكون للواحد ميول لحب الرسم وانا كنت بحبة جدااا
فى بدايتى كنت من الطلاب المتميزين فى الرسم وكان رسمى يحوز اعجاب المدرسين
وكان المدرسين يكرمونى حتى اصبحت بعد كل تكريم احب الرسم اكتر
فكانت هذه هى نقطة البداية
حتى كبرت وعملت فى مجال الورق البردى وانا فى الجامعة
وكنت وما زلت ارسم على الجدران واصبحت متخصص فى هذا المجال
وحاليا اكمل درسات عليا فى القانون وانا شغال رسام


س3- لماذا اخترت ورد للفنون لتعرض بها اعمالك؟
انا عادتى بحب الناس اللى لها خلفية فنية فى اى مجال
واخترت ورد للفنون لانة يوجد بة من الشخصيات التى لها حس فنى
ومن المنتديات اللى بجد علطول فاكرها وبدخلها دائماً


س4- ما هى خطوات العمل الخاصة بالرسم على ورق الباردى؟
خطوات عمل الورق البردى هى كثيرة وعايزة موضوع وقريباً هنزل الموضوع ليستفاد بة اهل ورد للفنون

س5- اى الاغانى تحب سماعها القديمه الاصيلة ام الحديثة التى تعبر عن جيلك؟
ثم اختار اغنية اهداء ولمن تهديها؟

انا من الناس اللى مبتسمعش اغانى كتير بس لما افكر اسمع حاجة
فى الجديدة والقديمة ليا ناس معينة بسمعها بس مش كل الاغانى ومبحبش الاغانى السريعة

اختار اغنية حبو بعض لفيروز واهديها للشعب المصري بمناسبة عيد الحب
ويارب كل الناس تحب بعضها علشان نطلع من الازمة دى

"حب لاخيك ما تحب لنفسك"



س6- ايهما اسهل وامتع الرسم على الجداريات ام الرسم على توال وما الفرق بينهم؟

الرسم على التوال اسهل طبعا المساحة بتبقى صغيرة وتعرفى تتحكمى فيها
اما الرسم على االجداريات هو صعب .. فممكن ارسم على جدار بأرتفاع 8 متر
الاتنين بالنسبة لأى فنان بيستمتع بأى حاجة بيرسمها على اى سطح سواء كان توال او جدار





س7- لكل شاب يهوى الرسم ويحب اتقانه ماذا تنصحه فى هذا المجال؟

طبعا علية بأختيار اللوانة اولا فألوانة هى التى تظهر حسه الفنى
و هقولة لكل مجتهد نصيب ومن جد وجد
واللى بيحب حاجة بيتعمق فيها اكثر حتى يصبح متميز



س8- هل انت متفائل بطبعك ام تتشاءم ----- متفائل جداً حتى فى عز الظروف الصعبة الحمد لله
انت خجول------- الى حد ما
تحب المرح------- اكيد
هل انت اكول اى تحب تناول اصناف الطعام مالذ منها وطاب----- وبحب اطبخ كمان
حريص ماديا -------- اصرف ما فى الجيب يعطيك ما فى الغيب

س9- لو قدمت اليك شركة الطياران الخاصة بورد للفنون تذكرة سفر الى اى الاماكن تذهب
متحف اللوفر ----ااحدى دول الخليج ----- احدى دول جنوب شرق اسيا ولماذا

اروح احج او اعمل عمرة الاول
وبعدين الذهاب الى متحف اللوفر .. حتى استمتع بجمال المنحوتات والرسومات التى يحتويها المتحف



س10- كيف تستعد لرسم منظر طبيعى --هل تستحضره اولا فى خيالك
ام من على الكمبيوتر وتقوم بتقليده وما هى خطوات العمل التى تقوم بها؟

فى بعض الاحيان احضرة فى خيالى وبعضها من على الكمبيوتر واخرى ارسم رسمة رقمية وانفذها

وخطوات العمل بما انى اغلب رسوماتى بتقنية الايربرش ( مسدس الهواء )
تجهيز السطح المراد العمل علية بـ بلاستك نصف لامع او لاكية مط او لاكية لامع
وابدأ الرسم بدون اى تحديدات



س11- اعرف انك تعاملت مع الاطفال حيث كنت ترسم غرف نومهم
هل من الصعب التعامل معهم والتقرب من فكرهم
تسأل الطفل اولا عن رغباته ام انك تنفذ ما فى خيالك فقط؟

اول حاجة طبعا بسأل الطفل وطبعا يطلب واعملة اللى يطلبة .. اوضتة بقى وهو حر فيها
وفى اطفال تقولى اعمل اللى تعملة يا عمو
وفى بقى غرف اطفال بعملها قبل ما يتولد الطفل الطفل فا دى بتبقى من خيالى




س12- يحتفل العالم اليوم بعيد الحب هل انت مع تحديد يوم لعيد الحب
او من الرأى الذى يقول ايام المحبين دائما اعياد ؟
وكيف تحتفل انت بمن تحب؟

بما انى لسة اعزب فـ مبحتفلش بعيد الحب
وبعدين الحب لازم يبقى موجود ديما مش يوم واحد بس


س13- اقر واعترف احب ورد للفنون للاسباب الاتية؟

1- مؤسس هذا المنتدى شخص محترم وانا عن نفسي بحترمة جدا
2- اعضائة شخصيات محترمة
3- يحتوى على الموضوعات الفنية التى اميل الى مشاهدتها



س14- اقر واعترف لا يعجبنى فى ورد للفنون الاتى؟

البعض يهتم بالمنتدى من الاعلى ويترك اسفل الممندى

س15- اختار اربع شخصيات فى منتدانا وقم بارسال رسالة عتاب او شكر كما يحلو لك
من الشخصيات وما فحوا الرسائل؟

شكر .. لـ استاذ محمد على انشاء المنتدى
عتاب .. لـ اى شخص يدخل موضوع يعجبة او ميعجبهوش وميسبش كومنت بالاعجاب او بغيرة
شكر .. ليكى على واجب الضيافة الجامد دا ههههه



شكرا يا رامى اتمنى الا اكون ثقيلة الظل هههه

عفواً


__________________

signature

RaMy.NoUr غير متواجد حالياً