عرض مشاركة واحدة
02-02-2013, 09:49 AM   #1
هالة
مراقب عام
Crown5
 
تاريخ التسجيل: Jun 2007
الدولة: القاهرة - الاسكندرية
المشاركات: 26,200
مصر عيش كرامه حريه زجل من وحى الهم

basmala

مش قولتلك كبيرة عليك
مِبهوءة شوية
عاوزة بنسة وكسرتين
أو بِلَّها في شوية مية
تقوم تِكش
لكن لقيتها لا بتخاف ولا بتكش
وعشان لسه واسعة عليك
تقوم تبلها في بحر دم !!
يا دي الهم ...
ما تفوق بقى شوية يا عم
سيبها لغيرك
بصراحة لحد كده ...
كثر خيرك
عملت اللي عليك
ختقتها بإيديك
دهستها برجليك
ولإن لسه فيها الروح
كان لازم تكسرها
تطحن ورد بساتنها
وهي لسه ما خلعت توب الحداد
وعدتها بتياب جُداد !!
هي قالت لك بتحب اللون الاحمر ؟؟
ولا بريحة الدم .. بتحب تتعطر ؟؟
فُوتها بقى الله يخليك
خليها تعيش لها شوية
تتدفا بشمس الحرية
__________________

signature

هالة غير متواجد حالياً