عرض مشاركة واحدة
12-23-2012, 09:37 AM   #5
omnia khater
شريك جيد
stars-1-4
 
تاريخ التسجيل: Apr 2010
الدولة: مصر - بورسعيد
المشاركات: 139

و دلوقتي مع البارت الثاني اتمنى ان يعجبكم


الحلقة الثانية : الصدمة

بعد ان ضايق جميع من في الصف بطلنا ايمن اخذ بالجري يحاول الوصول الى السلم وكان يبكي بكاءا شديدا حتى غطت الدموع الرؤية عن عينيه وفاجأة طااااااااااااااخ

ايمن : مش تحاسبي

البنت : اسفة جدا

ايمن : نظر الى الفتاة وكان يريد ان يعنفها تعنيفا شديدا ولكن تراجع في قرارة فالقد تسمر مكانه حين رؤيتها انها اجمل وارق فتاه يراها في حياته بل الادهى والاغرب انها نفس الصورة اللتي كان يرسمها للفتاه اللتي يريد رؤيتها ويضع

صورها تحت المخدة

ايمن : نظر الى عينيها الزرقاوين وتاه فيهما وغاص في بحر عيونها الجميلة

وقامت الفتاة وقالت له اسفه مرة تانية ثم بدأث في الرحيل ولكن ايمن كان يتابعها بنظره ويسرح في مخيلته قائلا لنفسه لقيتها لقيتها اخيرا يا قلبي الى ان جاء من اوقظه من احلامه الجميلة

احمد : ايمن ايمن انتا يلا فوق انتا نمت على السلم ولا ايه

ايمن : هااااااه اه معلش اصلي كنت سرحان شوية

احمد : متزعلش من العيال الرزلة اللي في الفصل يا ايمن

ايمن :انا مش زعلان يا احمد حيجي اليوم اللي حيعرفوا فيه ان الانسان مش بالشكل ولا بالجسم الانسان بأصله ومعدنه وروحه الحلوة

احمد : دول عيال جاحدة يا ايمن سيبك منها

ايمن : يا عم سيبها على الله

وعاد كلا من احمد وايمن اللى الصف مرة اخرى بعد البريك ودلوقتي احنا في الحصة الرابعة حصة الموسيقى لأبلة منى

ميس منى : قيام – جلوس – قبل ما نبدأ الحصة احب اعرفكم الاول على بنت جديدة انضمت للمدرسة بتاعتنا من النهاردة اتفضلي يا انسة عرفي نفسك

البنت : انا نهال عبد الحميد – سعيدة بالانضمام للفصل ده

ايمن : مش ممكن دي هيا البنت اللي خبطت فيها يا محاسن الصدف ( صدفة خير من الف ميعاد )

ودلوقتي نتكلم عن نهال شوية : نهال بنت شديدة الجمال متألقة تبدو للناظر اليها مثل قطعة الجوهرة الثمينة وهيا شديدة الكسوف والحرج الشديد يحمر وجهها من اقل شئ ونقلت الى هذه المدرسة بعد ان تغير سكن والديها الى مكان

بقرب هذه المدرسة

ومنذ هذه اللحظة بدأ ايمن بأحساس شئ جديد عليه مع هذه الفتاه يحس بأنه يريد رؤيتها في كل وقت ولا تغيب عن عينيه واذا غابت يحس بألم لا يفهم معناه في صدره انه لا يدري انه الحب من اول نظرة فهو لا زال صغيرا على هذا

الشئ

ايمن : ايه حكايتي بالظبط هوا انا ليه كل ما اشوف نهال احس بسعادة من غير سبب ولما تغيب عن عنيا بحس ان الدنيا نورها ضلم في وشي انا لازم اكلمها واقولها الكلام ده واحاول اتكلم معاها بس انا لو عملت كده ممكن تسخر مني

ومن مشاعري زي ما حصل مع بنات كتير قبل كده في الفصل وتقولي انتا طخين اوي انتا جسمك مليان ابعد يا طخين انا زهقت من الكلمة دي انا احسنلي عدم المواجهة وكفاية عليا اني افضل ابوصلها كده من بعيد لبعيد واملي نظري

من شوفتها ويبقى احسن من مفيش

احمد : الكبير بيفكر في ايه

ايمن : ايه يا عم احمد فجعتني اوي

احمد : شايفك اليومين دول سرحان في التخته اللي على اليمين

ايمن : نعممممممممم وانتا عرفت منين يا اخويا

احمد : يعني كلامي صح ؟

ايمن : واللنبي مش ناقصك دلوقتي يا احمد

احمد : يا ابني انا اعرفك اكتر من نفسك

ايمن : طيب يا اخويا وبعدين

احمد : استنى كده تعالى نشوف مين اللي قاعد في التخته دي الاولانية اماني ودي بنت رزلة اوي متوقعش انها هيا دي اللي سرحان فيها واللي في النص منار ودي اللي رفضتك قبل كده وقالتلك يا واد يا ونش يبقى مش هيا طيب

مين اللي قاعد في الاخر دي دي البنت الجديدة اللي اسمها نهال دي بقى حتت فرده في الجون

ايمن : بطل بقى يا احمد لو سمعتك بتقول على البنت دي كلمة تاني واللهي محكلمك وحزعل منك

احمد : هههههههه يبقى هيا يا برنس هيا بنت حلوة بس مش الاستايل اللي انا بحبه اطمن دي شكلها بتتكسف من الهوا الطاير بس خالليبالك ان في ولاد كتير عاوزين يكلموها عندك الوله محمد عبد الحفيظ ابن الناظر وابراهيم سمير

ابن الدكتوره انا قولتلك وخلاص يا صحبي

ايمن : انتا عاوزني اكلمها يا احمد علشان يحصل اللي حصل قبل كده علشان تيجي تقولي انتا مش من حقك تقول الكلام ده امشي يا واد يا طخين وترجع ريما لعادتها القديمة

احمد : وانتا ايه عرفك مش يمكن تطلع حاجة تانيه غير البنات التانية وتشوف الانسان الطيب اللي جواك

ايمن : انا مش مستعد اخد المخاطرة دي يا احمد

احمد : انتا حر وقد اعزر من انزر

وفي هذا الوقت في الناحية الاخرى كانت نفكر بطلتنا نهال في ما يحدث
خيارات

فعندما جائت الى هذه المدرسة اول من قابلته فيها كان ايمن وكان يبكي وهيا تستغرب من سوء المعاملة التي يعامله بها الصف بالرغم من اخلاقه الكريمة في معاملة الطلاب واجتهاده و عمله وفي هذا الوقت وضع الاستاذ مسألة على

الحائط وطلب الحل

واخذت نهال في حل المسألة الحسابية و رفعت يدها الى الاستاذ

الاستاذ : اتفضلي جاوبي يا نهال

نهال : الاجابة 6 يا دكتور

الاستاذ : صح برافوا عليكي

ولكن بعد دقيقة لو سمحت يا دكتور الاجابة غلط

الاستاذ : ايه يا ايمن بتقول ايه الاجابة صح انا مراجعها بنفسي

ايمن : انا اسف يا استاذ لكن الحل الصحيح اهو علشان كان ناقص ....... ( حاجات ملناش دعوة بيها في الرياضيات )

الاستاذ : ايه ده ايوة صح يا ايمن معاك حق يا عيال صححوا الاجابة الاجابة الصحيحة هيا دي

وفي هذه اللحظة نظرت نهال الى ايمن نظرت غضب كيف يصحح خطء لها ولكن بعد هذا ابتسمت كثيرا عندما نظرت اليه ولم تفهم سر هذه الابتسامة ولكن سوف تفهمها بعد قليل

وفي هذا الوقت وبعد انتهاء اليوم الدراسي حدثت مفاجأتين في ان وان لم يتوقعهما احد وسوف نعرفهم في الحلقة الثالثة
omnia khater غير متواجد حالياً