عرض مشاركة واحدة
12-20-2012, 08:01 AM   #227
SaMaR_ BakR
شريك محترف
stars-2-8
 
تاريخ التسجيل: Nov 2007
الدولة: cairo
المشاركات: 3,482

موناليزا

وعمرك يا حبيبتي ما كنتي رغاية بالعكس
وزي ما قلتي كانك قاعدة معانا في المطبخ بيبقى احلى رغي

ربنا يخليكي ليا يا حبيبتى تسلميلي يارب
كلامك ورجوعك للموضوع اسعدني جدا


ولي كام سؤال
- ما احلى واول شيئ في بورسعيد تحبي ان نراه بمجرد وصولنا ؟ ( على اعتبار انك حتعزمينا ) هههههه

البحر ,,, اى سواحلية اتربت في بلد ساحلي لا يمكن تستغنى عن رؤية البحر اول ما توصل البلد
وتعالى انت بس ,, عرفيني قبلها بفترة .. علشان أنزلك بورسعيد .. وانا اعزمك على أكلة سمك على البحر
هههههههههههههههههههه

- هل تحبين القراءة ؟ ولمن تقرأين ؟

كنت بحب اقرا كتــــــــــــــير جدا جدا
لكن دلوقت انت عارفه الولاد آخدين وقتى كله
لكن أنا فاكرة آخر حاجة قريتها ,,,, بمزاج ومن غير لهوجه كانت لدان براون
ملائكة وشياطين، وشفرة دافنشي ,, وعندى والله بقيت المجموعة ولا عارفه أفتح صفحة منهم

- من اين تشترين مستلزماتك الفنية في القاهرة ؟

تمام أمريني ,, بصي أنا ليا أكتر من مكان
في مكتبة اسمها كاميرا 9 في بين السرايات دي فيها حاجات كتير جدا
وفي طبعا سمير وعلى
وبالنسبة للنحاس الرقائق والأسلاك بجيب من النحاسين
الأدوات : ورشة صلاح للعدد والأدوات في شارع الصاغة - مشهور جدا
في خامات بجيبها من أى موان ,,, زى المعجون والغراء وااللاكيهات ,,,
حدديلي بس عاوة أيه وأنا أقولك تجيبي منين

- واذا كنتي مكان منى سامي وهي مكانك فما الاسئلة التي كنتي سوف توجهينها لها ؟
ههههههههههههههههههههههههههههههههههههههههههههه " عملا بوصية هند "

شوفي ياستى ,,, كنت هاثبت الأسئلة المعهودة
وهازود سؤالين بس
أتعرفتي على المنتدى أزاى .. وأزاى حصل تطور لك فيه بداية من كونك عضوة حتى الوصول للمراقب العام ؟
هل حصلك قبل كده أى موقف محرج خلال ردود ومشاركات الأعضاء في ورد ؟ واتصرفتى فيه أزى ؟

وكفاية كدا احسن انا حاسة ان منى مش حتدخلني تاني غرفة الاعترافات
ههههههههههههههه

انت نورتى الأعتراف ..
ههههههههههههه
تسلميلي وبارك الله فيكي وفي أولادك ,,, ومتعك بأولادهم وأولاد أولادهم

__________________

signature

SaMaR_ BakR غير متواجد حالياً