عرض مشاركة واحدة
12-18-2012, 03:02 PM   #214
SaMaR_ BakR
شريك محترف
stars-2-8
 
تاريخ التسجيل: Nov 2007
الدولة: cairo
المشاركات: 3,482

نااانو

اسعدنى حوارك مع منمونتى الجميلة
وتعرفت عليك بشكل جميل

يشرفنى يا حبيبتى أننا نتعرف على بعض كلنا بشكل أفضل


مكانتك كبيرة فى القلب
وسعيدة جدا بمعرفتك

وانتم كمان فعلا مكانتكم في القلب كبيرة جدا
أحساسي بيكم أمهاتى وأخواتي وأصحابي
فعلا ,,, برتاح جدا لما بكون وسطكم


سؤال
نتعامل جميعا مع استاذ محمد ورد كمدير اداره للمنتدى
ولم يصادف معظم اهل ورد للفنون الالتقاء به مباشره
هل صادفتى التعامل المباشر معه بحكم وظيفته
او بحكم انك بورسعيديه
ترى ما هى انطباعاتك عن هذه الشخصيه
التى قدمت لنا ورد للفنون
هذا الصرح الرائع الذى يجمع اجمل قلوب عرفتها
وبدون مجامله او تحيز

بصي يا نانو أهو ده السؤال اللى كنت خايفة منه
هههههههههههههههه
وقلت الحمد لله مش موجود في الأسئلة
بس بعد ماسألتيه ,, لاقيته سؤال كويس ومايخوفش ولا حاجه
المشكلة أنى هافكر أستاذ محمد بموقف لا أحب انه يفتكره خالص

أستاذ محمد أنا أعرفه شخصيا بطبيعه انه موجه تربية فنية
وأنا مدرسة تربية فنية ,,,
أنا كنت أسمع عن الأستاذ ,,, والأسم كان مشهور جدا ضمن الموجهيين
اللى المدرسين بيقولوا عليهم شاطرين
على فكرة المدرسين بيقيموا الموجهين ومديري المدارس بس في الدرى
هههههههههههههههه
عرفته بعد ما استلزم عدم وجود مدرسين كفايه في مدرسة من المدارس
انتداب مدرسين للتصحيح في مدرسة أستاذ محمد كان موجه فيها
وأنا كنت من ضمن المدرسين اللى أنتدبوا للتصحيح

أنطباعاتى عن الأستاذ ,, بعد الموقف اللى أتعرفنا فيه على بعض
أنه شخصية صبورة جدا
دبلوماسي، هادي جدا
مابيغلطش في حد - رغم أن الموقف ممكن يسمحله بذلك
هههههههههههههههه
بيوجهك بطريقة الإستنتاج ,, يعنى يسألك وتحاوبي، ويسألك سؤال وتجاوبي
وفي النهاية تلاقي نفسك أكتشفتى أنك بتوجهى نفسك للحاجه اللى هو عاوز يوصلها
هي طريقة جميلة بس مش أى حد بيعرف يعملها
ههههههههههههه
في إطار العمل هو شخصية ملتزمة - بيعتبر الفن رسالة
وأعتقد أن بناء المنتدى ساهم كتير في تأدية الرسالة
يمكن أكتر بكتير من الوظيفة بالرغم من أهميتها طبعا

أنا أفتكر مرة كان في فيديو كونفرنس لمدرسي وموجهى المادة
وتم التدريب فيه على خامات وأساليب تقنية وفنية كتيرة
والمدارس اللى طبقت ,, كان هو موجه المادة فيها
أنا فاكرة المعرض بعد التدريب كل ما ألاقي تطبيق على التدريب
يكون من أعمال أولاده وبناته المدرسين

قبل ما ابقى عضوة في المنتدى كنت بخاف منه رغم احترامي واعتزازى بيه جدا
عارفه اللى تبقى عاملة عمله ,, بس في اخوكي الكبير
هههههه
لكن اتعالجت الحمد لله ,, خصوصا قريب
لما طلبت منه قريب يساعدنى في حاجه في رسالة الماجستير
وانا متخيلة انه مايعرفش انى سمر اللى هو يعرفها
بعد ماساعدنى - اكتشفت انه عارف أنا مين !!!!
هههههههههه

ودى كانت انطباعاتي بدون ترتيب وأنا متفاجئه بالسؤال
بدون تحيز طبعا ,, بقولك عامله عامله
ههههههههههه

تسلميلي مرورك وكلامك أسعدني جدا جدا جدا
__________________

signature

SaMaR_ BakR غير متواجد حالياً