عرض مشاركة واحدة
12-14-2012, 01:44 PM   #1
مايا مجدى
شريك جيد
stars-1-4
 
تاريخ التسجيل: Dec 2010
الدولة: الاسكندريه
المشاركات: 108
فتره عصيبه فى تاريخ مصر

basmala

السلام عليكم ورحمه الله تعالي وبركاته


اخوتي اعضاء المنتدى انا مش عارفه اقولكم ايه بجد ومش عايزه اضايق حد بس مخنوقه جدا قولت اجي اكلم معاكم
الفتره اللي بتعيشها مصر كلها صعبه علينا اوى مش عارفه اللي بيحصلنا دا خير ولا شر .....يارب يكون خير
اتخنقت زى متخنق اغلبيه الناس بسبب اللي بعيشه وبتمر بيه البلد
اتخنقت من كل حاجه وخايفه علي بكره
خايفه لما بقا يتقال علي المسلم كافر مش عارفه بأماره ايه بقا كافر ومين اللي بيوزع الكفر والايمان علي الناس كده
خايفه علي ولادنا واخوتنا اللي بقو مليين الشوارع الثوار اللي في الميادين
اللي بقا يتقال عليهم دلوقت بلطجيه
مش عارفه باماره ايه الاول كانو ثوار ورجاله ولوقت بقو بلطجيه !!!!! ليه ؟
خايفه علي ولادى وولادكو
خايفه علي تكميم الصحافه والاعلام اللي بقا محاصر ومهددين بقا دلوقت الاعلام كله فجاه كده بقا مضلل مش عارفه ازاى !!!!!!!؟
خايفه علي الناس المسلحين اللي موجودين في سينا ومش عارفه المجلس العسكرى اللي المفروض يحافظ علي سلامه وامن البلد مش عارفه ماله فيه ايه ومش قايم بمهامه ليه ؟
والشرطه اللي بقت خايفه تشوف شغلها لانها بقت ملطشه لكل من هب ودب يبجح فيها
مش فاهمه ايه اللي بيحصل في البلد
بقيت بخاف من ساعه الصفر اللي بقينا نسمعها كل يوم والتاني وربنا يستر ومش عارفين معناها ايه
لما الشيوخ اللي المفروض نتعلم منهم السماحه وزى القران ما بيقول الكاظمين الغيظ مبقوش كده وبقو هم اللي مش قادرين يسمعو كلمه من اى معارض
بقيت بشوف معظم القنوات الدينيه بتتكلم في السياسه ومش لاقيين اللي يعلمنا الدين وبقت القنوات دى بنشوف فيها الشيوخ اللي بتخرج من افواهم كلمات لا يمكن انها تخرج من رجل دين فاضل وجليل
انا تعبت من اللي بشوفه وبسمعه بقيت بتعصب علي ولادى من احساسي بالضغط والخطر اللي احنا فيه
المسيحيين اللي طول عمرهم عايشين معانا حرام اني اشوفهم خايفين وغير آمنين في بيوتهم ربنا مقلش كده ولا الدين قال كده اننا نروع الآمنين
ادعو لمصر انها تعدى الغمه اللي احنا يها دى بسلام وامان ,وادعو ان اللي احنا بنمر بيه دا كلنا يكون حلم مش حقيقه ,ونقوم منه نلاقي مصر زى ما كانت بلد الامن والامان ....المصرى صاحب النكته في عز
ظروف الحياه اللي كنا فيها وبنعانيها كلنا
خايفه ليجي يوم ونقول ولا يوم من ايامك يا مبارك
ربنا يستر
__________________

signature

مايا مجدى غير متواجد حالياً