عرض مشاركة واحدة
11-18-2012, 01:43 PM   #26
SaMaR_ BakR
شريك محترف
stars-2-8
 
تاريخ التسجيل: Nov 2007
الدولة: cairo
المشاركات: 3,482

بصى يا قطتى ,,,
أنا عملت بحث على النحت على القرع العسلي
ووصلت لموقع الفنانة ,,, وبعتلها
كنت عاوزة أعرف كام حاجه كده في أعمالها الفنية
كنت عاوزة أعرف بتعمل ايه في لب الثمرة
وهل الثمرة بتكون فريش ولا جافة
وطلعت ذوق جدا وردت عليا

المهم ,, انا فهمت منها
انها مش بتنحت على القرع العسلي العادي اللى إحنا عارفينه
لكن النبات ده اسمه باللغة الإنجليزية gourd من نفس عائلة القرع العسلي pumpkin
انت حتى لو دورتى على ترجمة gourd هاتلاقيه قرع النبات
ولو دورتى على pumpkin هاتلاقيه يقطين

أنا أعرف القرع العسلي العادي ومش عارفه الفرق بين الإتنين
لكن اللى فهمته أنها بتستخدم gourd
بتهيالى هو ده القرع العسلي اللى إحنا عارفينه في مصر

وقالتلى أن النبات ده بيتجفف لمدة 6 شهور
هى بتشتريه جاف جاهز وبيكون ساعتها بعد التجفيف غير قابل للأكل
وبيكون اللب داخل الثمرة والبذور لها صوت عند الإهتزاز
وبتكون غير ضارة بالعمل الفنى
وبتكون الثمرة صلبة قابلة للنحت

لكن لو العمل يتطلب ثمرة مفتوحة
بتنضف اللب والبذور وبتستخدم الثمرة عادي جدا

أنا حبيت أضيف المشاركة دي
عشان لو حد عنده نفس الإستفسارات يستفيد
__________________

signature

SaMaR_ BakR غير متواجد حالياً