عرض مشاركة واحدة
11-14-2012, 06:59 PM   #86
SaMaR_ BakR
شريك محترف
stars-2-8
 
تاريخ التسجيل: Nov 2007
الدولة: cairo
المشاركات: 3,482

اختى العزيزة سمر انا معاكى انها شكة دبوس او اقل لكن الموضوع مش اخفاء معلومات شخصية
لانما انا من من يدخلوا النت
هروبا من الواقع بكل ما فيه هروب الى عالم افتراضى اجمل ؛ وطبعا انتى من المعزومين ويشرفنى حضورك وحضور كل اسرة المنتدى ومتخفيش احتمال يكون الفرح مش فى البحيرة بس مش هيكون فى القاهرة ممكن يكون فى الاسكندرية فى موطن العروسة وعموما لسه بدرى احنا لسه فى بداية الخطوبة . وشكرا ليكى لقبولك ثورى جديد فى ثورتك على الاسماء المستعارة

شوف يا أستاذنا العظيم الثوري
عجبتنى أوى كلمة ثوري

كلنا مش أنت بس ,,, بنهرب من واقع الحياه المرير الروتيني
إلى عالم افتراضي جميل
لكن ,,, وأنا بتكلم عن نفسي في الحالة دى
أحنا في فترة قصيرة جدا واجهنا في ورد واقع حياة لازم نقف فيه جنب بعض
بشخصياتنا الحقيقية
ونتخلى شوية عن عالم الغموض الجميل اللى كلنا عشناه
يعنى انا كان نفسي ,, يبقى في الإدارة عنوان المرحوم عاطف البكري عشان على الأقل ابعت لأهله برقية
أقلهم أفرحو بيه ,,, في كام عضو بيدعولو بالرحمة
وموضوعاته افادت ولسه بتفيد ناس كتير وبتعتبر صدقة جارية له


وكان كمان نفسي لما هناء اتعرضت لأزمة
أقدر اوصلها في الوقت اللى هيا محتاجه أصحابها فيه
حتى لو كانوا الأصدقاء دول اتعرفت عليهم في عالم افتراضي
ده اللى خلاني أعمل الموضوع أصلا

أنا مين كان معايا لحظة بلحظة
قبل العملية وبعدها
صفية وهناء
ومانساش لما هالة و مبدعة كلموني
ولما بعدها بعتنا لبعض رسايل في العيد

ولسه ورد بالنسبالى ,, عالم افتراضي جميل
لتكلم فيه مع أصدقاء ماعرفهومش


لكن بيجمعنى بيهم ,, حب و احترام وصداقة وود
ربنا يديمه علينا
مش شايفه ان فيه حاجه اتغيرت
أو انى وضعت أهل ورد في براثن الحياة الواقعية الروتينية

حلوة براثن دي
هههههههههه
المهم يا استاذنا الثوري
أنا بحمد ربنا انى عرفت اتعرف على صفية اللى مع الناس التنيين
ههههههه
وهناء القمر
وسمعت صوت حبيبتيا ,, هالة ومبدعة
وبكل أعضاء الثورة
وبكل الأعضاء اللذين لم يشتركوا أصلا لهم في قلبى كل الحب والإحترام لخصوصياتهم

وأحب أفكركم أن اهداف الثورة بعد كده أننا نغنى منتدانا بموضوعات حصرية
عن طريق المعارض الفنية ,, بحضورها وتصويرها
يعنى ,,, العالم الإفتراضي على ورد هايكون أحلى إنشاءلله

بخصوص الفرح ,,,, انا موافقة
أنا بعشق اسكندرية
وأكيد ,, هاله معانا
ههههههههههههه
ألف مبروك ,,, بارك الله لكما وبارك عليكما وجمع بينكما في الخير ,,إن شاءلله

__________________

signature

SaMaR_ BakR غير متواجد حالياً